Fréttablaðið greinir frá því, samkvæmt heimildum, að söngkonan Svala Björgvinsdóttir og Kristján Einar Sigurbjörnsson séu hætt saman. Þau opinberuðu samband sitt í ágúst 2020 og hafa síðan verið eitt umtalaðasta par landsins.
Eins og komið hefur fram í fjölmiðlum var Kristján Einar handtekinn á Spáni í síðasta mánuði fyrir slagsmál á bar og hefur síðan setið í gæsluvarðhaldi ytra. Svala hefur ekki tjáð sig um málið með nokkrum hætti en fyrr í dag greindi hún frá því að hún væri að flytja í nýja íbúð.
Í kjölfarið jós fylgjandi hennar svívirðingum yfir hana fyrir að standa ekki með Kristjáni Einari.
