Íþróttakonan og áhrifavaldurinn Edda Falak lætur ekki bjóða sér upp á hvað sem er, ef marka má nýlega færslu hannar á Instagram Story.
Edda er mjög öflug í íþróttinni Crossfit, en hún er einnig með fjarþjálfun og næringarþjálfun. Hún nýtur mikilla vinsælda á Instagram og er með tæplega 27 þúsund fylgjendur á miðlinum.
Í gærkvöldi svaraði hún spurningum fylgjenda sinna á Instagram. Einn fylgjandi spurði hvað henni þykir vera „turn off“ eða ósjarmerandi í fari karlmanna.
Edda tilgreindi þau atriði sem komu fyrst upp í huga hennar þegar hún velti spurningunni fyrir sér.
„Hroki, smjatt, ekki í íþróttum (e. non athletic), minnimáttarkennd, talar um fyrrverandi sem „klikkuð“ (við vitum bæði að þú gerðir hana klikkaða), vond lykt, talar illa um annað fólk, derhúfur með límmiða, hátt egó, „flipcover“ símahulstur.“
Edda svarar líka fleiri spurningum, eins og hvort hún hafi orðið ástfangin. Þeirri spurningu svaraði hún: „Já einu sinni, síðasta sumar.“
Edda er nýlega orðin einhleyp, en hún var í sambandi með áhrifavaldinum Brynjólfi Löve Mogensen. Þau byrjuðu saman í nóvember í fyrra. Svo samkvæmt svörum hennarar á Instagram var það ekki Brynjólfur sem hún var ástfangin af síðasta sumar.
Um helgina var greint frá því að Edda og Brynjólfur væru hætt saman eftir þriggja mánaða, mjög opinbert samband þar sem þau voru dugleg að deila myndum og myndböndum af hvoru öðru á samfélagsmiðlum sínum.
Sjá einnig: Edda tjáir sig opinberlega um sambandsslitin
En Edda tekur það fram að hún er ekki að tala bara um „eina manneskju“ þegar hún telur upp hvað henni þykir vera „turn off.“ Fylgjendur hennar virtust telja hana vera að tala um einhvern ákveðin aðila, hugsanlega Binna þar sem þau eru nýhætt saman.
„Heyrðu vóvóvó áður en það fer að hrúgast inn… Þessi listi var ekki um einhverja eina manneskju! Bara almennt eitthvað random sem mér finnst „turn off“,“ segir Edda.
View this post on Instagram