Hæstaréttarlögmaðurinn Sveinn Andri Sveinsson er orðinn afi. Frá þessu greindi hann á Facebook-síðu sinni í dag. Dóttir Sveins, Sara Messíana Sveinsdóttir og kærasti hennar Bjarni Geir Gunnarsson eignuðust stúlkubarn þann fjórða júlí síðastliðin.

Sveinn virðist algjörlega himinlifandi ef marka má bæði myndir og mál hans. Hann segist hafa gert samning við nýfædda barnið um að hann yrði að vera besti afi í heimi og að hann yrði að spilla henni við hvert tækifæri.

„Þann 4. júlí sl., á þjóðhátíðardegi Bandaríkjanna, n.tt. kl.13.03, kom í heiminn algerlega fullkomin afastelpa, en þá eignuðust Sara Messíana Sveinsdóttir og Bjarni Geir Gunnarsson sannkallað draumabarn og sólargeisla. Það er hlutlaust mat afa gamla að hér sé á ferðinni fallegasta barn vestan Úralfjalla.

Við litla prinsessan settumst niður og gerðum með okkur samning. Ég skuldbatt mig til að vera besti afi í heimi og hún lýsti því yfir og staðfesti að afi væri langbestur. Við gerðum síðan sérstakan leynilegan viðauka við samning okkar, þar sem ég lofaði að spilla henni og láta alltaf allt eftir henni, þar sem m.a. nammi og ís koma við sögu, og gagnkvæmri óhlýðni heitið við reglur sem foreldrarnir kynnu að setja þar um.

Það sem ég hlakka til þessa nýja áfanga á lífsleiðinni. Lífið er yndislegt og þetta litla hjartagull fullkomnar það.“