Knattspyrnukappinn Rúrik Gíslason fagnaði 31 árs afmæli sínu í gær, en kærasta hans, brasilíska fyrirsætan Nathalia Soliani kom honum skemmtilega á óvart.
Rúrik birti mynd í sögu sinni á Instagram í gær þar sem hann þakkaði Nathaliu og tónlistarmanninum Sverri Bergmann fyrir að gera afmælisdaginn sinn einstaklega sérstakan. Á myndinni sjást hvítar rósir, mynd af Elvis, afmælisterta með kertum og blöðrur með upphafsstöfum kappans.
Ef það var ekki nóg þá sendi Nathalia honum einnig fallega kveðju á Instagram þar sem hún spreytti sig á islensku meira að segja.
„Hamingjuóskir til þessarar fallegu sálar sem ég nýt blessunar að hafa í mínu lífi. Þú ert allt sem ég vildi í karlmanni. Hreinskilinn, góður, auðmjúkur og alltaf til staðar, alltaf til í að hafa gaman, yndislegasta manneskja sem ég hef kynnst í lífi mínu. Takk fyrir að vera svona frábær. Njóttu dagsins,“ skrifaði Nathalia á ensku og bætti síðan við á okkar ástkæra ylhýra:
„Ég elska þig.“
https://www.instagram.com/p/BuTceQNAulg/
Þá birti hún einnig mynd af Rúriki á sögu sinni á Instagram og við hana stóð dagsetningin 25. nóvember árið 2018 og:
„Hugsa til helgarinnar sem breytti öllu.“
Hvort þetta sé vísan í helgina þar sem þau Rúrik og Nathalia byrjuðu að stinga saman nefjum er óljóst, en DV komst fyrst á snoðir um samband þeirra í lok síðasta árs.