Hressleikarnir fara fram í 11. sinn þann 3. nóvember, en árlega er safnað fé til styrktar góðu málefni, fyrir einstakling, fjölskyldu eða málefni sem þarf á aðstoð nærsamfélagsins að halda.

Í ár var ákveðið að safna fyrir hjónin Fanney Eiríksdóttur og Ragnar Snæ Njálsson og börn þeirra þau Emilý Rósu 3 ára og Erik Fjólar þriggja vikna. Þess má einnig geta að Gyða Eiríksdóttir þjálfari í Hress er systir Fanneyjar.

Fanney og Ragnar hafa verið saman síðastliðin sjö ár. Verið dugleg að hreyfa sig og njóta lífsins. Í vor fengu þau þær gleðifréttir að þau ættu von á barni. Þegar Fanney var komin 20 vikur á leið greindist hún með leghálskrabbamein. Reynt var að meðhöndla meinið með lyfjagjöf svo meðgangan gæti gengið sinn vanagang.

Krabbameinið lét ekki að stjórn eins og óskað hafði verið eftir svo Erik Fjólar varð að koma í heiminn á 29. viku meðgöngunnar. Fanney hóf harða lyfja og geislameðferð tveimur vikum eftir keisaraskurð, við horfum bjartsýn fram á veginn og vonum að allt gangi að óskum.

Það er ljóst að verkefnin eru mörg hjá litlu fjölskyldunni. í kjölfarið af fæðingu fyrirbura og krabbameinsmeðferðar þurfa þau á kröftum hvors annar að halda og ekki auðvelt að stunda vinnu meðfram slíkum áskorunum. Nauðsynlegt er að gefa sér tíma til að fara vel með sig.

Við í Hress ætlum að styðja fjölskylduna á Hressleikunum í ár.

Hressleikarnir verða eins og áður sagði haldnir 3. nóvember og er skráning á leikana hafin. Einnig verða seldar happdrættislínur og hefst sama á þeim 20. október.

Söfnunarreikningur Hressleikana 0135-05-71304, kennitala 540497-2149 og geta allir lagt inn á þann reikning hvort sem þeir taka þátt í Hressleikunum eða ekki.

Nánar um Hressleikana á www.hress.is