Það getur verið dýrt og flókið að hanna vefsíður fyrir ferðaþjónustufyrirtæki sem tengjast beint við bókunarkerfi. Nýsköpunarfyrirtækið IceFloe hefur hannað lausn á þessum vanda sem er ódýrari og einfaldari í uppsetningu en gengur og gerist.
Fyrirtækið IceFloe hefur starfað í átta ár og boðið aðilum í ferðaþjónustu upp á vefsíðu sem er sérhönnuð fyrir ferðaþjónustu og tengingu við birgðakerfi Bókunar. Fyrirtækið IceFloe er byggt á grunni Getlocal sem hannaði sérhæfða vefsíðu sem seldi dagsferðir til ferðamanna, þar sem hraðinn og einfaldleikinn voru í fyrirrúmi, eins og kemur fram í tilkynningu.
„Við fundum fljótlega fyrir því að sérstaða okkar lausnar nýttist öðrum og því byrjuðum við að bjóða ferðaþjónustufyrirtækjum upp á vefsíður til að hjálpa þeim að selja eigin ferðir á netinu. Þannig varð IceFloe veflausnin til,“ segir Finnur Magnússon, framkvæmdastjóri IceFloe.
Í dag eru fjölmörg íslensk ferðaþjónustufyrirtæki að nýta sér IceFloe lausnina fyrir vefsíður sínar og árangurinn er almennt mjög góður. „IceFloe veflausnin hefur leyst vanda fjölmargra ferðaþjónustufyrirtækja, allt frá stórum rútufyrirtækjum til fjölskyldufyrirtækja sem bjóða upp á skemmtilegar ferðir víðsvegar um Ísland“, segir Finnur. Það sem fyrirtækin eru sérstaklega ánægð með er að stofnkostnaður er enginn, vefsíðan er hraðvirk og viðskiptavinurinn fer aldrei út af síðunni í kaupferlinu. „Það eykur trúverðugleika fyrirtækja og traust í þeirra garð.“
Vefsíðulausn IceFloe er heldur ekki kostnaðarsöm en aðeins er greitt um 1-3% þóknunargjald af hverri sölu.
Hróður IceFloe hefur borist víða og lausnin notið vinsælda bæði á Íslandi og erlendis. ,,Við fáum fjölda fyrirspurna í gegnum www.icefloe.travel en þar getur fólk kynnt sér þá þjónustu sem við bjóðum upp á. Erlendir ferðaþjónustuaðilar eru sífellt að leita að góðum lausnum til að selja sína þjónustu á netinu og við teljum okkur vera með eina þá bestu,“ segir Fannar. Í dag er Ice Floe lausnin í notkun víða um heim m.a. í Evrópu, Ameríku og Afríku ásamt Íslandi.
