fbpx
Laugardagur 18.maí 2024
EyjanFastir pennar

Óttar Guðmundsson skrifar: Óæskilegt lesefni

Eyjan
Laugardaginn 20. apríl 2024 06:00

Óttar Guðmundsson

Ekki missa af Helstu tíðindum dagsins í pósthólfið þitt

Lesa nánar

Ég hef alltaf öfundað þá félaga mína sem hafa siglt árekstralaust í gegnum lífið. Sumir fundu réttan maka í menntaskóla, giftust og eignuðust friðsælt og hamingjuríkt líf með sumarbústað og svörtum jeppa. Mitt líf einkenndist af uppákomum, hvatvísi og margs konar skyndiákvörðunum sem ekki voru allar til blessunar. Mér gekk illa að hafa alla góða í kringum mig og lenti ítrekað í hakkavél almannaróms og vefmiðla vegna umdeildra ummæla. Ég hef eytt háum upphæðum í sálfræðihjálp til að geta skilið betur eigin persónuleika og annmarka en ekkert gengur. Mér tekst enn að fá alla netheima upp á móti mér og enginn verður meira hissa en ég sjálfur.

Ég held að þessi karaktereinkenni stafi af bókunum sem ég las í bernsku og á unglingsárunum. Fyrst lá ég í litlu smábarnabókunum um Tralla, Stubb og Dísu ljósálf og litla tréhestinn. Þegar ég varð eldri í Nonnabókunum og bókum Ármanns Kr. um Árna í Hraunkoti. Ég kunni bækurnar um Hjalta litla eftir Stefán Jónsson utan að. Þessar bækur eru sérlega karlmiðaðar og einkennast af fjarveru kvenlegrar mýktar. Nonni og Árni í Hraunkoti vaða áfram í gegnum lífið eins og litlir prinsar. Mæður þeirra tigna þá takmarkalaust. Hjalti litli er hvatvís og þverlundaður. Ævintýrabækur Enid Blyton eru sama markinu brenndar. Þær fjalla um tápmikla stráka og taugaveiklaðar stelpur og kjaftforan páfagauk sem er mun kraftmeiri en stúlkurnar.

Svona lesefni gerir mann ferkantaðan, ósveigjanlegan og takmarkaðan og tilvalinn skotspón í netumræðunni. Kannski verður tölvuleikjakynslóðin eitthvað skárri. En það þýðir ekki að láta deigan síga. „Lífið er allt of stutt til að láta netheima stjórna lífi sínu,“ eins og Gunnar á Hlíðarenda sagði skömmu eftir að hann keypti sér fyrstu tölvuna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 2 vikum

Björn Jón skrifar: Forsetaefni íhaldsmanna?

Björn Jón skrifar: Forsetaefni íhaldsmanna?
EyjanFastir pennar
Fyrir 2 vikum

Sigmundur Ernir skrifar: Flestir kjósa til vinstri, líka hægrimenn

Sigmundur Ernir skrifar: Flestir kjósa til vinstri, líka hægrimenn
EyjanFastir pennar
18.04.2024

Þorsteinn Pálsson skrifar: Notum tímann núna

Þorsteinn Pálsson skrifar: Notum tímann núna
EyjanFastir pennar
15.04.2024

Svarthöfði skrifar: Skortir heimildarmynd

Svarthöfði skrifar: Skortir heimildarmynd
EyjanFastir pennar
06.04.2024

Sigmundur Ernir skrifar: Tuttugasta öldin, taka tvö

Sigmundur Ernir skrifar: Tuttugasta öldin, taka tvö
EyjanFastir pennar
06.04.2024

Óttar Guðmundsson skrifar: Veröld sem var

Óttar Guðmundsson skrifar: Veröld sem var
EyjanFastir pennar
28.03.2024

Þorsteinn Pálsson skrifar: Fjörutíu og tvö prósent

Þorsteinn Pálsson skrifar: Fjörutíu og tvö prósent
EyjanFastir pennar
24.03.2024

Björn Jón skrifar: Verðleikar og andverðleikar 

Björn Jón skrifar: Verðleikar og andverðleikar