Í samtali við Jótlandspóstinn sagði hann að þessi ríki krefjist þess að Kóraninum sé sýnd virðing og séu reiðubúin til að beita refsiaðgerðum þegar þetta heilaga rit þeirra sé brennt. Á sama tíma banni þessi ríki Biblíuna og refsi kristnu fólki.
Alþjóðlegu kristnu samtökin Open Doors fylgjast með þróun mála í þeim löndum þar sem kristnir sæta mestu ofsóknunum. Árlega gefa samtökin út skýrslu um stöðu mála í 50 ríkjum. Af þeim eru „ofsafengnar ofsóknir“ gegn kristnu fólki staðreynd í 11 ríkjum og í 39 ríkjum eru ofsóknirnar „mjög alvarlegar“.
Af þeim 11 ríkjum þar sem ofsóknirnar eru „ofsafengnar“ eru 8 aðilar að OIC. Þetta eru Sómalía, Jemen, Líbía, Nígería, Pakistan, Íran, Afganistan og Súdan. Þessi ríki krefjast þess sem sagt að Kóraninum sé sýnd virðing í kristnum ríkjum á meðan þau berja óhikað á kristnu fólki.
