Gylfi Þór Sigurðsson og Viktor Unnar Illugason hafa bæst í hóp aðalþjálfara okkar og munu sinna því starfi ásamt Ingólfi Sigurðssyni. Tækniþjálfun mun hér eftir bera nafnið Tækniþjálfun Gylfa Sig.
Tilkoma Gylfa Þórs og Viktors Unnars mun styrkja þjálfunina enn frekar, en markmið okkar er að bjóða upp á framúrskarandi þjálfun þar sem hver leikmaður fær þá athygli sem þarf til að taka framförum.
Fótboltafólki framtíðar gefst hér einstakt tækifæri til þess að æfa undir stjórn markahæsta leikmanns íslenska landsliðsins frá upphafi. Gylfi Þór er spenntur að miðla reynslu sinni og hjálpa ungum leikmönnum að verða enn betri.
Viktor Unnar, sem lék sem atvinnumaður á yngri árum, hefur á undanförnum árum þjálfað hjá Breiðabliki og Val þar sem hann er leiðandi í þjálfun yngri leikmanna.
Tækniþjálfun fór af stað í fyrrahaust og hafa yfir 200 leikmenn æft á námskeiðum okkar. Sumarnámskeið verða kynnt á næstu dögum. Forskráning á haustönn 2024 er komin í gang á heimasíðu okkar. Eins og alltaf eru takmörkuð pláss í boði til að tryggja gæði þjálfunar.
