fbpx
Fimmtudagur 23.júní 2022
Eyjan

Eiríkur segir að hugsanlega sé gjá á milli bólusettra og óbólusettra komin til að vera

Kristján Kristjánsson
Þriðjudaginn 25. janúar 2022 08:00

Eiríkur Bergmann

Ekki missa af Helstu tíðindum dagsins í pósthólfið þitt

Lesa nánar

Nú hillir undir lok heimsfaraldursins en þrátt fyrir það dregur ekki úr andstöðu við sóttvarnaaðgerðir og bólusetningar. Víða erlendis var mótmælt um helgina og hér á landi kom fólk saman á Austurvelli og mótmælti bólusetningum barna. Eiríkur Bergmann, prófessor í stjórnmálafræði við Háskólann á Bifröst, segir að verið sé að skera þá hópa sem ekki vilja láta bólusetja sig frá samfélaginu og það gangi hratt fyrir sig.

Fréttablaðið skýrir frá þessu í dag. Hefur blaðið eftir honum að dæmi um þetta megi sjá hjá austurrískum og frönskum stjórnvöldum sem hafi gengið fram af mikilli hörku gagnvart óbólusettum.

Hann benti á að þeir sem mótmæli aðgerðum yfirvalda séu ekki einsleitur hópur. Margir séu á móti sóttvarnaaðgerðum vegna þeirra frelsisskerðinga sem fylgja þeim, aðrir vegna þeirrar mismununar sem bólusettir og óbólusettir sæti og enn aðrir telji bólusetningar skaðlegar og hallist að samsæriskenningum.

Hann sagði ekki ljóst hvað verði um þessa hópa að faraldrinum loknum. „Popúlistar hafa alltaf nýtt sér samsæriskenningar og jafnvel staðið að dreifingu þeirra. Það er óljóst hvernig þeir muni nýta sér endalok þessa faraldurs sér til framdráttar,“ sagði hann.

Hann sagði einnig að þegar faraldrinum lýkur muni bólusetningarstaða hugsanlega ekki skipta máli og þar með hverfi gjáin á milli bólusettra og óbólusettra en það sé bjartsýn spá og einnig sé hugsanlegt að málin þróist á annan veg. Bólusetningarvottorð geti hugsanlega verið komin til að vera og þá sé kominn jaðarsettur hópur sem eigi minni aðgang að samfélaginu en aðrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kolbrún segir að VG geti ekki stimplað sig út af náttúruverndarvaktinni þó að flokkurinn sé í stjórnarsamstarfi

Kolbrún segir að VG geti ekki stimplað sig út af náttúruverndarvaktinni þó að flokkurinn sé í stjórnarsamstarfi
Eyjan
Fyrir 6 dögum

Sigmundur spyr stóru spurningarnar – „Hvernig skilgreinir ráðuneytið orðið kona?“

Sigmundur spyr stóru spurningarnar – „Hvernig skilgreinir ráðuneytið orðið kona?“
Eyjan
Fyrir 2 vikum

Andrés segir skiptingu borgarstjóraembættisins vera óskastöðu fyrir Dag

Andrés segir skiptingu borgarstjóraembættisins vera óskastöðu fyrir Dag
Eyjan
Fyrir 2 vikum

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“