fbpx
Miðvikudagur 06.júlí 2022
Eyjan

Sigmundur segir almenning vilja kyrrstöðu og kjósa hana yfir sig

Kristján Kristjánsson
Fimmtudaginn 20. janúar 2022 07:50

Sigmundur Ernir Rúnarsson. Mynd/Stefán Karlsson

Ekki missa af Helstu tíðindum dagsins í pósthólfið þitt

Lesa nánar

„Endurnýjuð ríkisstjórn Katrínar Jakobsdóttur verður kyrrstöðustjórn, enn sem fyrr, af ástæðum sem rekja má til eðlilegra átaka milli þeirra ólíku stjórnmálaflokka sem mynda hana, en einnig vegna einsleitni þeirra, því það sem sameinar þá er aðdáun á óbreyttu kerfi,“ segir í upphafi leiðara Fréttablaðsins í dag en hann skrifar Sigmundur Ernir Rúnarsson.

Hann segir að þar sem kyrrstöðustjórn sé við völd verði ekki hreyft við krónunni á næstu árum og skipti þá engu hversu illa hún leiki heimili og fyrirtæki landsins. Hún sé völd að mestu álögum Íslandssögunnar, að árið 2019 hafi skattar á einstaklinga verið 190 milljarðar en það sama ár hafi krónuskatturinn verið 180 milljarðar. „Þess vegna verður engu breytt sem truflað getur fokríka kvótakónga,“ segir hann.

Hann segir síðan að markaðsleiðin sé eins og áður eitur í beinum ríkisstjórnarflokkanna. „Fimm prósenta árleg leiga af auðlindinni, jafngildi 60 milljarða, þykir skattpíning í tilviki auðugustu landsmanna,“ segir hann og bætir við að áfram verði rekin fátæktarstefna í landbúnaði. Grænmetisbændur muni ekki fá aðstoð í formi lægra raforkuverðs, það standi aðeins erlendum auðhringum, sem reka álver hér á landi, til boða.

Hann rekur síðan hin ýmsu mál sem ríkisstjórnin mun tryggja óbreytt ástand í með ýmsum hætti. „Ríkisstjórnarflokkarnir eru ekki einir hræddir við breytingar, almenningi til hagsældar og aukinna réttinda. Það er nefnilega almenningur sem kýs þessa flokka í ríkari mæli en önnur öfl. Hann vill kyrrstöðu. Og hann fær kyrrstöðu,“ segir hann síðan að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Björn Jón skrifar – Tímamótasamningur fyrir hálfri öld

Björn Jón skrifar – Tímamótasamningur fyrir hálfri öld
Eyjan
Fyrir 1 viku

„Af hverju í ó­sköpunum er ekki ráðist að rót vandans?“ spyr Sigmundur Ernir

„Af hverju í ó­sköpunum er ekki ráðist að rót vandans?“ spyr Sigmundur Ernir
Eyjan
Fyrir 2 vikum

Talið öruggt að Kristrún bjóði sig fram til forystu hjá Samfylkingunni

Talið öruggt að Kristrún bjóði sig fram til forystu hjá Samfylkingunni
Eyjan
Fyrir 2 vikum

Þjóðirnar tvær í landinu búa við mismunandi aðstæður segir Ragnhildur – „Alþýðan sem fær e.t.v. brauðmola“

Þjóðirnar tvær í landinu búa við mismunandi aðstæður segir Ragnhildur – „Alþýðan sem fær e.t.v. brauðmola“
Eyjan
Fyrir 2 vikum

Bændasamtökin telja sig vita lausnina á vanda Úkraínu – Tilbúin að veita aðstoð í málinu

Bændasamtökin telja sig vita lausnina á vanda Úkraínu – Tilbúin að veita aðstoð í málinu
Eyjan
Fyrir 2 vikum

Meirihlutinn telur hvalveiðar skaða orðspor landsins

Meirihlutinn telur hvalveiðar skaða orðspor landsins