fbpx
Miðvikudagur 20.október 2021
Eyjan

„Þetta er gamaldags leið til að stýra neyslu“ segir Breki

Kristján Kristjánsson
Mánudaginn 11. október 2021 08:00

Háir tollar eru lagðir á innflutt blómkál.

Ekki missa af Helstu tíðindum dagsins í pósthólfið þitt

Lesa nánar

Á undanförnum vikum hefur verið mikill skortur á blómkáli og spergilkáli í verslunum. Ástæðan er að háir innflutningstollar eru lagðir á þessar vörur. Innlendir dreifingaraðilar hafa fengið undir 10% af pöntunum sínum á blómkáli og spergilkáli á síðustu vikum og sellerí hefur verið ófáanlegt. Breki Karlsson, formaður Neytendasamtakanna, segir kerfið galið.

Morgunblaðið skýrir frá þessu í dag. Fram kemur að frá 15. ágúst til 15. október  er lagður 30% verðtollur á blómkál og sellerí. Frá 1. júlí til 15. október er sami tollur lagður á spergilkál. Að auki er fastur verðtollur 176 krónur á kíló, lagður á blómkál og spergilkál og 276 krónur á sellerí. Þetta hefur í för með sér að innkaupsverðið á þessum vörum getur tvö til þrefaldast.

„Þetta er gamaldags leið til að stýra neyslu og ætti að heyra fortíðinni til. Þetta gagnast hvorki bændum né neytendum. Það þarf að stokka upp allt þetta kerfi og styðja bændur með beinum styrkjum í stað þess að verja þá innan einhverra tollmúra þar sem þeir lepja dauðann úr skel. Það hefur sýnt sig að þetta kerfi virkar ekki. Kerfið býr til vöruskort. Þá gefur augaleið að það er gallað,“ hefur Morgunblaðið eftir Breka.

Hann sagði að frekar eigi að styðja bændur til nýsköpunar en með því kæmust þeir í beint samband við neytendur og myndu skynja betur hvað þeir vilja. „Matvælaframleiðendur verða að treysta eigin framleiðslu, treysta því að neytendur velji þeirra framleiðslu. Sagan sýnir að þeim er treystandi. Þannig myndi kerfið virka í raun,“ sagði hann einnig.

Ásta S. Fjeldsted, framkvæmdastjóri Krónunnar, sagði að Krónan hafi fundið vel fyrir þessum skorti. Svipuð staða hafi verið uppi á síðasta ári og þá hafi einnig orðið að flytja inn vörur frá útlöndum. Hún sagði að reynsla Krónunnar sé að neytendur séu reiðubúnir til að greiða hærra verð fyrir innlenda framleiðslu en erlenda og því telji Krónan að út frá hagsmunum innlendra framleiðenda sé óþarfi að leggja tolla á innflutt grænmeti. Það hafi sýnt sig með gúrkur og tómata. Hún sagði að háir innflutningstollar hækki verðið til neytenda. „Ég trúi ekki öðru en ný ríkisstjórn breyti þessu snarlega. Þessir tollar eru ekki neinum í hag, hvorki innlendum framleiðendum né neytendum hér á landi,“ er haft eftir henni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Ölvaður ók á stólpa
Eyjan
Fyrir 1 viku

Gísli fer úr tækni yfir í brauðið

Gísli fer úr tækni yfir í brauðið
Eyjan
Fyrir 1 viku

Pólskur dómur getur reynst ESB og Póllandi dýrkeyptur

Pólskur dómur getur reynst ESB og Póllandi dýrkeyptur
Eyjan
Fyrir 1 viku

Guðmundur fussaði og sveiaði alla leiðina heim – „Svona er þetta þá gert“

Guðmundur fussaði og sveiaði alla leiðina heim – „Svona er þetta þá gert“
Eyjan
Fyrir 1 viku

Sum sveitarfélög varla sjálfbær vegna kostnaðar við þjónustu við fatlaða – Launakostnaður ein helsta ógnin við fjármálin

Sum sveitarfélög varla sjálfbær vegna kostnaðar við þjónustu við fatlaða – Launakostnaður ein helsta ógnin við fjármálin