fbpx
Mánudagur 18.janúar 2021
Eyjan

Æskumynd úr góðu partíi

Egill Helgason
Föstudaginn 20. mars 2020 14:43

Ekki missa af Helstu tíðindum dagsins í pósthólfið þitt

Lesa nánar

Fólk er að birta af sér unglingamyndir til að létta lundina. Þetta getur reyndar verið dálítið tvíbent, því maður fyllist oft trega þegar maður skoðar gamlar myndir. Maður sér ekki bara í þeim týndan tíma heldur líka glötuð tækifæri, leiðir sem voru ekki farnar í lífinu.

Svo er merkilegt hvað allir eru fallegir á þessum myndum. Jú, ungt er fallegt. Þetta er reyndar pínu óþægilegt, manni finnst maður hafa misst af einhverju á ungdómsárunum að taka ekki hvað allir voru fagrir.

Hér er hópmynd. Þetta eru svosem ekki unglingar, en ungt fólk í blóma lífsins – flest af því. Ég vann með hléum á vikublaðinu sögufræga Helgarpóstinum á árunum frá 1983 til 1987. Myndin er held ég örugglega tekin í boði hjá blaðinu árið 1983. Þarna má sjá starfsfólk Helgarpóstsins, dálkahöfunda og gagnrýnendur. Blaðið lagði mikið upp úr öflugum skoðanaskrifum og vandaðri listgagnrýni.

Það er best að telja upp fólkið. Þarna má sjá í fremstu röð Vernharð Linnet sem skrifaði um djass; Gunnlaug Sigfússon sem skrifaði um dægurtónlist; pistlahöfundinn Sigurð A. Magnússon og hinn frábæra ljósmyndara blaðsins, Jim Smart.

Í annarri röð blaðakonuna og rithöfundinn Jóhönnu Sveinsdóttur; pistlahöfundinn Sigríði Halldórsdóttur; pistlahöfundinn Auði Haralds; Kristínu Ástgeirsdóttur blaðamann; Pétur Gunnarsson pistlahöfund og Ingólf Margeirsson ritstjóra.

Í efstu röð eru Gísli Helgason pistlahöfundur; blaðamaðurinn Egill Helgason, líklega yngstur í hópnum, í hvítum jakka og með rautt prjónabindi; Árni Þórarinsson ritstjóri; Guðmundur Arnlaugsson aldursforseti sem skrifaði um skák; Magnús Torfi Ólafsson pistlahöfundur; Páll Kristinn Pálsson pistlahöfundur; Árni Óskarsson, líklega pistlahöfundur; Guðjón Arngrímsson blaðamaður; Hallgrímur Thorsteinsson blaðamaður og Sigurður Pálsson pistlahöfundur.

Þetta var gott partí man ég. Bene bene eins og sá efst í horninu til hægri hefði sagt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

„Fjölkvænisfrumvarp“ Pírata vekur misjöfn viðbrögð – Margrét uggandi en Ingu Sæland skemmt

„Fjölkvænisfrumvarp“ Pírata vekur misjöfn viðbrögð – Margrét uggandi en Ingu Sæland skemmt
Eyjan
Fyrir 4 dögum

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“
Eyjan
Fyrir 5 dögum

Leiðarahöfundur Moggans kennir RUV um lokun fréttatíma Stöðvar 2

Leiðarahöfundur Moggans kennir RUV um lokun fréttatíma Stöðvar 2
Eyjan
Fyrir 5 dögum

Ekkert rætt um nagladekk í stefnu borgarinnar um loftslagsmál

Ekkert rætt um nagladekk í stefnu borgarinnar um loftslagsmál
Eyjan
Fyrir 1 viku

Sjáðu hverjir eru á leiðinni út og inn af Alþingi í næstu kosningum

Sjáðu hverjir eru á leiðinni út og inn af Alþingi í næstu kosningum
Eyjan
Fyrir 1 viku

Harmaborgin rís en íbúar mótmæla – „Það verður óbúandi í þessum 90 íbúðum í allt að þau 7 ár sem áætlað er að verkið taki“

Harmaborgin rís en íbúar mótmæla – „Það verður óbúandi í þessum 90 íbúðum í allt að þau 7 ár sem áætlað er að verkið taki“