fbpx
Fimmtudagur 28.maí 2020
Eyjan

Vetrarþankar á Skólavörðuholti

Egill Helgason
Mánudaginn 2. mars 2020 12:58

Ekki missa af Helstu tíðindum dagsins í pósthólfið þitt

Lesa nánar

Það er svona um þetta leyti að maður fer að verða verulega þreyttur á íslenska vetrinum. Hann er náttúrlega talsvert lengri en vetur aðeins sunnar á jarðarkringlunni. Vorið kom reyndar snemma í fyrra – en maður finnur hjá sér ugg vegna þess að það gætu verið heilar sex til sjö vikur eftir af vetrarveðri. Ég verð að viðurkenna að ég botna ekkert í erlendum ferðamönnum sem koma hingað að vetrarlagi. Vetrarfegurðin hér er yfirleitt afar takmörkuð sökum þess hvað er misveðrasamt. Yfirleitt endar snjórinn í skítugum haugum og klaki og hálka út um allt. Birtan ýmist grá eða glær.  Vetrarfegurð er meiri þar sem eru staðviðri.

Nú í verkfalli eru göngustígar og gangstéttir í borginni lítt hreinsaðar af snjó. Það er svolítið til marks um þann forgang sem bílar njóta í borginni að akvegir eru betur færir. Það er ákveðinn kostur við að búa í Miðborginni að gangsstéttir eru hitaðar og snjór bráðnar af þeim. En auðvitað nennir maður ekki alltaf að feta slóðir ferðamannanna – ekki síst nú á tíma kórónuveirunnar. Ég fór á gangstíginn við Ægissíðu í gær, hann hafði ekki verið ruddur.

Skólavörðustígur er uppáhaldsgatan mín í borginni. Hún er svo mátulega breið, liggur fallega upp hæðina og endar í hinni miklu steinsteyptu kirkju sem ég er núorðið nokkuð sáttur við, þótt vinir kunningjar mínir í arkitektastétt fussi og sveii margir yfir því hvað samræmið er lélegt í Hallgrímskirkju. Stærsta en lakasta verk Guðjóns, segja þeir.

Skólavörðuholtið er víst þéttasta byggð á Íslandi – eða var það allavega til skamms tíma. Maður tekur ekki svo mikið eftir því vegna þess að hæðin á húsunum er mátuleg, þau stærstu varla nema þrjár til fjórar hæðir. Vegna þess hvað sól er lágt á lofti á Íslandi mega hús í miðjum borgarhverfum helst ekki vera hærri. Þannig að holtið myndar mjög fallega heild– byggðin líkt og flæðir fallega niður það.

En svona var þetta umhorfs á 19.öldinni þegar Reykjavík var bara smábær. Þarna er horft niður Skólavörðustíginn. Við sjáum að tukthúsið er efst í byggðinni, það var byggt 1872. Myllan í Bankastræti stendur enn. Ég ímynda mér að þetta sé tekið um svipað leyti árs og nú – það er ís á höfninni, snjór á götunni og í holtinu, það verður seint sagt að þarna sé fagurt yfir að líta. Við sjáum líka hvað Skólavörðuholtið er skelfing grýtt – hverfið þarna er reist á grjóti og urð.

Myndin er eftir Sigfús Eymundsson, tekin 1877.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Landsbankinn lokar í Bolungarvík – Bæjarstjórinn með áhyggjur af gamla fólkinu

Landsbankinn lokar í Bolungarvík – Bæjarstjórinn með áhyggjur af gamla fólkinu
Eyjan
Í gær

„Hvers vegna þurfa erfingjarnir að greiða ríkinu fyrir gjöf frá foreldrum sínum?“

„Hvers vegna þurfa erfingjarnir að greiða ríkinu fyrir gjöf frá foreldrum sínum?“
Eyjan
Fyrir 2 dögum

Baráttan um Bessastaði – Óvænt úrslit í netkönnun DV

Baráttan um Bessastaði – Óvænt úrslit í netkönnun DV
Eyjan
Fyrir 2 dögum

Telur hugmynd stjórnvalda vonda -„Má spyrja sig hvort það sé til lengdar skyn­sam­legt“

Telur hugmynd stjórnvalda vonda -„Má spyrja sig hvort það sé til lengdar skyn­sam­legt“
Eyjan
Fyrir 4 dögum

Á þingpöllum: Gífuryrði gagnast engum

Á þingpöllum: Gífuryrði gagnast engum
Eyjan
Fyrir 4 dögum

Guðmundur ósáttur: „Hvaða erindi á þessi spurning í þáttinn?“

Guðmundur ósáttur: „Hvaða erindi á þessi spurning í þáttinn?“