fbpx
Sunnudagur 20.september 2020
Eyjan

Myndir Sigurgeirs eru menningarverðmæti

Egill Helgason
Þriðjudaginn 17. mars 2020 14:48

Ekki missa af Helstu tíðindum dagsins í pósthólfið þitt

Lesa nánar

Einn okkar allra fremsti ljósmyndari, Sigurgeir Sigurjónsson, stendur fyrir stórfenglegri ljósmyndasýningu á Facebook þessa dagana. Og það verður að segja eins og er það er dálítið gott að ylja sér við gamlar myndir og minningar á þessum napurlegu tímum.

Ferill Sigurjóns nær alveg aftur á sjöunda áratuginn, þegar hann var unglingur, og hann hefur tekið alls kyns myndir. Myndir hans af tísku og hljómsveitum frá því á bítla- og hippatímanum fanga tíðarandann einstaklega vel. þessi ljósmynd hérna er uppáhaldshljómsveitamynd mín. Þetta er Trúbrot, nýstofnuð súpergrúppa, að kvöldlagi í Lækjargötunni árið 1969. (Það má reyndar nefna að Sigurgeir tók mynd af sjálfum Jimi Hendrix.) Myndin birtist á forsíðu Vikunnar, held ég megi segja. Þau eru hreint æðislegar poppstjörnur á henni, Rúnar, Shady, Gunni, Jökullinn og Kalli.

 

 

Svo er það myndin sem er hér efst sem Sigurgeir setti á Facebook. Hún er úr seríu sem hann kallar Síðustu kaupmennirnir á horninu. Þessi mynd er úr Hallabúð sem var á Hverfisgötu 39. Á myndinni eru Björn Jónsson og Óskar Páll Ágústsson.

Eitt sinn voru svona hornbúðir út um allan bæ. Afgreiðslumennirnir voru oft líkir þessum mönnum – karlar í sloppum. Í þessum búðum sló hjarta hverfanna. Þar hittist fólk, skiptist á sögum og skoðunum, ræddi um börnin sín og nágrannana, daginn og veginn. Fyrir nokkru síðan kom út ágæt bók um hverfisbúðir af þessu tagi, það var saga Óskars Jóhannssonar í Sunnubúðinni – þar sagði hann frá ýmsu sem dreif á daga smákaupmannanna, hvernig þeir gátu jafnvel verið sálusorgarar fyrir fólk, en líka frá mikilli vinnu og erfiðum rekstrarskilyrðum.

Smákaupmönnunum var útrýmt – það var nánast eins og skipulögð aðgerð. Reistar voru stórar verslunaskemmur á jöðrum byggðarinnar og þangað var ekki hægt að komast nema á bifreið. Borgarskipulaginu var beinlínis beint gegn smáversluninni. Þarna var hægt að bjóða lægra verð en hjá kaupmanninum á horninu, stóru verslanakeðjurnar gátu þvingað framleiðendur og birgja til að lækka verð en smákaupmennirnir höfðu engin tök á því.

Og þannig hurfu búðirnar á horninu, það gerðist á frekar stuttu tímabili, eins og hendi væri veifað. Eftir er ein og ein búð – og má dást að þrautseigju eigendanna. En bæjarlífið batnaði ekki við þetta, eða hver þekkir börnin eða gamla fólkið með nafni í Bónus eða Krónunni eins og var í hverfisbúðunum?

En myndirnar hans Sigurgeirs eru menningarverðmæti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Meirihlutinn manni færri – Rósa Björk hætt í VG

Meirihlutinn manni færri – Rósa Björk hætt í VG
Eyjan
Fyrir 2 dögum

Þingmaður greindist með COVID-19 – Alþingi meðvitað um stöðuna

Þingmaður greindist með COVID-19 – Alþingi meðvitað um stöðuna
Eyjan
Fyrir 3 dögum

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“
Eyjan
Fyrir 3 dögum

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“
Eyjan
Fyrir 4 dögum

Erlendir ferðamenn skiluðu 11 til 13 milljörðum í sumar – Innlend neysla bætti upp tekjutapið

Erlendir ferðamenn skiluðu 11 til 13 milljörðum í sumar – Innlend neysla bætti upp tekjutapið
Eyjan
Fyrir 4 dögum

Sökklar steyptir undir smáhýsi í Gufunesi fyrir fólk í vímuefnavanda – Íbúar í Grafarvogi deila á framkvæmdirnar

Sökklar steyptir undir smáhýsi í Gufunesi fyrir fólk í vímuefnavanda – Íbúar í Grafarvogi deila á framkvæmdirnar
Eyjan
Fyrir 5 dögum

Páll segir egypska fjölskylduföðurinn vera „ósvíf­inn“ og Mogginn tekur undir – „Sam­tök­in eru viður­kennd öfga­sam­tök“

Páll segir egypska fjölskylduföðurinn vera „ósvíf­inn“ og Mogginn tekur undir – „Sam­tök­in eru viður­kennd öfga­sam­tök“
Eyjan
Fyrir 5 dögum

Fyrrverandi húsnæði fyrir heimilislausa til leigu – Þrjú hús og 30 herbergi

Fyrrverandi húsnæði fyrir heimilislausa til leigu – Þrjú hús og 30 herbergi