fbpx
Fimmtudagur 09.apríl 2020
Eyjan

Þegar Raggi Bjarna gaf mér fágæta plötu

Egill Helgason
Miðvikudaginn 26. febrúar 2020 16:04

Ekki missa af Helstu tíðindum dagsins í pósthólfið þitt

Lesa nánar

Það eiga margir eftir að minnast Ragnars Bjarnasonar – hann var þjóðargersemi og við eigum svo mörg minningar um hann. Hann var ljúflingur, sjarmatröll með sitt kæruleysislega fas. Eins og að hann gerði hlutina alltaf án áreynslu. Ferlillinn er líka ótrúegur. Ragnar byrjaði að tromma með hljómsveit föður síns, Bjarna Böðvarsonar, þegar hann var aðeins 16 ára.

Ég les reyndar að hann hafi fæðst í risíbúð í Lækjargötu 12a, ég get horft þangað yfir út um gluggann minn, en húsið er horfið, það brann 1967.

Fyrstu plöturnar með Ragga komu svo út 1954, hann var orðinn stórstjarna þegar ég fæddist fimm árum síðar. Ferillinn spannaði semsagt hátt í sjötíu ár.

Ég fékk einu sinni að syngja með Ragnari, þegar ég var með Silfur Egils á Skjá einum var ég stundum – í mínu ofdrambi – að myndast við að syngja í þættinum sem var á gamlársdag. Og eitt sinn fékk ég Ragga til mín, hann söng Komdu í kvöld, eitt af sínum einkennislögum, en ég myndaðist við að syngja með. Hann gerði þetta með sinni léttu lund. Geirfuglarnir léku undir.

En ég á aðra sögu af því hvað hann Ragnar var mikill indælismaður. Við hittumst eitt sinn á tónleikum í Salnum í Kópavogi sem voru helgaðir lögum Jóns Múla og Jónasar Árnasona. Ég nefndi við Ragga að ég hefði sem strákur átt plötu sem ég hélt mikið upp á. Þetta voru lög úr söngleiknum Járnhausnum eftir þá bræður – þar eru meðal annarra lög eins og Undir stórasteini, Án þín og Stúlkan mín. Nokkur af vinsælustu lögunum sem Raggi söng og fylgdu honum alla tíð.

Platan var gefin út 1965 af SG-útgáfunni. Hún er 45 snúninga, svokölluð EP-plata, þannig að lögunum var í raun troðið á hana. En ég hlustaði mikið á hana sem barn á grammófóni foreldra minna sem var innbyggður í skáp þar sem var líka útvarpstæki. Eitthvað svona.

Ég færði þetta semsagt í tal við Ragga en sagði að platan væri týnd og tröllum gefin. Tveimur dögum síðar birtist hann með plötuna heima hjá mér og gaf mér hana. Mér þótti það afskaplega fallegt af honum og lýsa manninum vel – þessi plata sem ég passa nú vel upp á er kolfágæt. En mér finnst ég aldrei hafa þakkað honum nógu vel fyrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Banaslys í miðbænum

Ekki missa af

Eyjan
Fyrir 2 dögum

Ragnar Þór harðorður og hraunar yfir Drífu – „Þessir svikarar við launafólk lýðskruma nú úr sér raddböndin af réttlætiskennd“

Ragnar Þór harðorður og hraunar yfir Drífu – „Þessir svikarar við launafólk lýðskruma nú úr sér raddböndin af réttlætiskennd“
Eyjan
Fyrir 2 dögum

Björn segir Brynjar vera annaðhvort óheiðarlegan eða heimskan – „Nema hvort tveggja sé“

Björn segir Brynjar vera annaðhvort óheiðarlegan eða heimskan – „Nema hvort tveggja sé“