fbpx
Föstudagur 10.júlí 2020
Eyjan

Beethoven 250 ára í færeyskum búningi

Egill Helgason
Mánudaginn 24. febrúar 2020 11:07

Ekki missa af Helstu tíðindum dagsins í pósthólfið þitt

Lesa nánar

Færeyingar gefa út þetta fallega frímerki vegna þess að 250 ár eru liðin frá fæðingu tónskáldsins Ludwigs Van Beethoven (nei, þetta er ekki lengri tími). Þessara tímamóta er minnst með ýmsum hætti um víða veröld, en einfaldast er auðvitað að minnast Beethovens með því að leika tónlist hans eða hlýða á hana. Ekki bara sinfóníurnar, heldur líka hinar hyldjúpu og stórbrotnu píanósónötur og strengjakvartetta.

En þetta er snjallt hjá Færeyingum. Listamaðurinn, Heiðrík á Heygum, setur Beethoven í færeyskt samhengi, hann er í færeyskum þjóðbúningi, lundi situr á öxl hans, þarna er sauðkind og að manni sýnist hvalur og blómin eru norrænar sumarjurtir.

Þetta er falleg hugmynd og skemmtilega útfærð, undirstrikar að tónlist Beethovens er sameiginlegur arfur mannkyns. Björn Jón Bragason orðar það vel í pistli á Facebook:

„En þetta leiðir sömuleiðis hugann að því hversu fánýtt er að fást um þjóðerni andans stórmenna sögunnar. Á þessu ári eru líka liðin 250 ár frá fæðingu myndhöggvarans Bertels Thorvaldsens sem aldrei leit íslenska grund, þrátt fyrir að faðir hans væri íslenskur. En skiptir nokkru máli hvers lenskur Bertel Thorvaldsen var? Var hann ekki umfram allt evrópskur, rétt eins og Beethoven? Saga klassískrar menningar á meginlandi Evrópu er líka okkar saga og íslensk hámenning hefði aldrei orðið til nema fyrir menntun utan landsteinanna og með erlendum menningarstraumum.

Og Beethoven á líka allt eins heima með íslensk fjöll í bakgrunni.“

Þess má svo geta að Heiðrik á Heygum hefur búið á Íslandi, numið hér og starfað að alls kyns listsköpun, myndlist, kvikmyndagerð og tónlist.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 3 dögum

Sigmundur segir að markmiðið sé að neyða fólk í strætó

Sigmundur segir að markmiðið sé að neyða fólk í strætó
Eyjan
Fyrir 3 dögum

Lögreglumenn þurftu að fara í sóttkví eftir atvik í vinnunni – Fá ekki greitt

Lögreglumenn þurftu að fara í sóttkví eftir atvik í vinnunni – Fá ekki greitt
Eyjan
Fyrir 6 dögum

3,6 milljörðum úthlutað til öflunar hagkvæmra leiguíbúða á landinu

3,6 milljörðum úthlutað til öflunar hagkvæmra leiguíbúða á landinu
Eyjan
Fyrir 6 dögum

Björn Leví bendir á alvarlegan galla við klára fullt kjörtímabil

Björn Leví bendir á alvarlegan galla við klára fullt kjörtímabil
Eyjan
Fyrir 1 viku

Segir að ríkisstjórnin hafi sýnt styrk sinn

Segir að ríkisstjórnin hafi sýnt styrk sinn
Eyjan
Fyrir 1 viku

Björn Leví segir Kolbeini að „fokka sér“

Björn Leví segir Kolbeini að „fokka sér“