fbpx
Föstudagur 14.ágúst 2020
Eyjan

Samtök starfsmanna fjármálafyrirtækja kvarta undan brotalömum við hópuppsagnir

Ritstjórn Eyjunnar
Mánudaginn 10. febrúar 2020 15:09

Ekki missa af Helstu tíðindum dagsins í pósthólfið þitt

Lesa nánar

Samtök starfsmanna fjármálafyrirtækja (SSF) hafa sent inn kvörtun til eftirlitsstofnunar EFTA vegna brotalama á framkvæmd hópuppsagna á Íslandi. Niðurstaða EFTA gæti haft áhrif á allan íslenskan vinnumarkað og er því um gríðarlega stórt hagsmunamál að ræða, samkvæmt tilkynningu.

„SSF telur að framkvæmd hópuppsagna á Íslandi sé verulega ábótavant og kom bersýnileg í ljós þegar á reyndi við framkvæmd hópuppsagna á síðasta ári. Í lögum um hópuppsagnir er tilgreint að atvinnurekanda beri eins fljótt og auðið er að hafa samráð við trúnaðarmann til að kynna og ræða um áform um hópuppsögn, rökstyðja þau og gefa trúnaðarmanni kost á að koma sjónarmiðum sínum og tillögum á framfæri áður en endanleg ákvörðun er tekin af atvinnurekanda,“

segir í tilkynningunni.

Samhliða kvörtuninni til eftirlitsstofnunarinnar sendi SSF bréf til velferðarráðherra og velferðarnefndar Alþingis þar sem vakin er athygli á mati SSF og kvörtuninni til EFTA en í bréfinu er tilgreint sérstaklega hvernig staðið var að hópuppsögn hjá Arion banka í fyrra þar sem 102 starfsmanni var sagt upp.

Leita þurfi leiða

Þar er einnig nefnt að með samráðinu skuli að minnsta kosti leita leiða til að forðast hópuppsagnir eða fækka starfsmönnum sem fyrir þeim verða og draga úr afleiðingunum með hjálp félagslegra aðgerða sem hafi það meðal annars að markmiði að auðvelda flutning í önnur störf eða endurhæfingu starfsmanna sem áformað er að segja upp.

„Ákvæði laganna um framkvæmd hópuppsagna byggir á evróputilskipun og sambærilegum lögum sem byggja á því að framkvæmd hópuppsagna sé framfylgt í samræmi við tilskipunina. SSF telur að ekki hafa verið staðið rétt að innleiðingu evróputilskipunarinnar hér á landi sem gerir það að verkum að samráð við stéttarfélög við framkvæmd hópuppsagna er ófullnægjandi. Að mati SSF þarf að gera bragarbót á lögunum svo að þau hafi eitthvert raunverulegt gildi og séu ekki orðin tóm með því að brot gegn þeim séu algjörlega viðurlagalaus. „

SSF hefur því sent inn kvörtun til eftirlitsstofnunar EFTA þar sem kvartað er undan ófullnægjandi innleiðingu tilskipunarinnar í íslenskan rétt. Í kvörtuninni er jafnframt bent á leiðir til úrbóta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 2 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“