fbpx
Þriðjudagur 24.nóvember 2020
Eyjan

Þráinn Bertels sér tækifæri í stóra fánamálinu – Vill að fleiri beri samskonar merki og lögreglukonan

Heimir Hannesson
Mánudaginn 26. október 2020 12:18

mynd/samsett

Ekki missa af Helstu tíðindum dagsins í pósthólfið þitt

Lesa nánar

Þráinn Bertelsson, fyrrverandi Alþingismaður og rithöfundur með meiru, birti í gær nokkurskonar opinberun sína á stóra fánamálið á Facebook. Segist hann þar sjá alveg nýjan vinkil á það mál og að um kúvendingu skoðana sinna sé að ræða.

„Það er mikil skammsýni að banna opinberum starfsmönnum að segja sannleikann! Frelsum þá sem hafa lokast inni í skáp ævilangrar hræsni!“ skrifar Þráinn og heldur áfram:

Eftir því sem ég hugsa meira um þetta mál með löggukonuna sem þótti flott að hafa fasistamerki á einkennisbúningnum sínum en sagðist samt ekki vita hvað þau þýddu – þá hef ég algjörlega skipt um skoðun í málinu og styð rétt lögreglumanna til að merkja sig og búninga sína í bak og fyrir til að tjá skoðanir sínar og sinn innri mann.

Þráinn lætur ekki staðar numið þar og segir að þetta eigi líka að gilda um aðra ríkisstarfsmenn:

Dómurum og starfsfólki dómskerfisins ætti jafnvel að vera skylt að merkja vinnufötin sín með auglýsingum, jafnvel slagorðum þess stjórnmálaflokks eða stefnu sem á hug þeirra og hjarta – og jafnvel bera merki þeirra banka eða fyrirtækja sem þeir eiga flest hlutabréf í.

Þráinn segir að þetta væri að sjálfsögðu gert í nafni gagnsæis og hreinskilni. Þráinn bendir á að Alþingismenn séu þegar merktir stjórnmálaflokkum sínum á þingi, en að lengra þyrfti að ganga og réttast væri að þeir bæru auglýsingar eða „lógó“ helstu stuðningsmanna sinna og hollvina.

Segir Þráinn:

Með öðrum orðum þá væri dásamlegt ef hlutleysishræsnin væri aflögð og hreinskilnin kæmi í staðinn. Ævilöng bæling og heft tjáning gerir engan að betri manni. Hreinsum nú andrúmsloftið og heimilum bældum ríkisstarfsmönnum loksins að opinbera hvað það er sem í raun og veru gefur lífi þeirra gildi, hvort sem það er bláa línan, bláa höndin eða rómantískur sjóræningafáni.

Þráinn segir málfrelsi og tjáningarfrelsi sett fram í þeim tilgangi að fólk geti sagt satt og rétt frá. Í því ljósi leggur Þráinn til að „ævilangur þykjustuleikur“ verði lagður af:

Tilgangurinn með málfrelsi og tjáningarfrelsi er sá að fólk geti sagt satt og þurfi ekki að vera lokað inni í skáp í ævilöngum þykjustuleik því að SANNLEIKURINN MUN GERA OKKUR FRJÁLS – ef eitthvað er að marka Heilaga ritningu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

Vilhjálmur með mikilvæg skilaboð – „Gríðarlegir hagsmunir í húfi fyrir skuldsett heimili“

Vilhjálmur með mikilvæg skilaboð – „Gríðarlegir hagsmunir í húfi fyrir skuldsett heimili“
Eyjan
Fyrir 4 dögum

Leggja til að frítekjumark hækki í 300 þúsund

Leggja til að frítekjumark hækki í 300 þúsund
Eyjan
Fyrir 1 viku

Björn segir að því sé enn ósvarað hvort mistök hafi verið gerð á Landakoti

Björn segir að því sé enn ósvarað hvort mistök hafi verið gerð á Landakoti
Eyjan
Fyrir 1 viku

Heitt í hamsi á Alþingi vegna vaxtahækkanna – „Ég er algjörlega ORÐLAUS!“

Heitt í hamsi á Alþingi vegna vaxtahækkanna – „Ég er algjörlega ORÐLAUS!“
Eyjan
Fyrir 1 viku

Ólína lyftir hulunni – „Þessa bók þurfti að skrifa“

Ólína lyftir hulunni – „Þessa bók þurfti að skrifa“
Eyjan
Fyrir 1 viku

Upplýsingafulltrúi Íslenskrar erfðagreiningar segir Brynjari og Sigríði til syndanna – „Hvað eru þau eiginlega að leggja til?“

Upplýsingafulltrúi Íslenskrar erfðagreiningar segir Brynjari og Sigríði til syndanna – „Hvað eru þau eiginlega að leggja til?“
Eyjan
Fyrir 1 viku

Karl segir ríkisstjórnina vega að leigubílstjórum – „Leyfislausir skutlarar og aðrir lögbrjótar“

Karl segir ríkisstjórnina vega að leigubílstjórum – „Leyfislausir skutlarar og aðrir lögbrjótar“
Eyjan
Fyrir 1 viku

„Menn með svona hættulegar skoðanir eru auðvitað bæði holdsveikir og geislavirkir“

„Menn með svona hættulegar skoðanir eru auðvitað bæði holdsveikir og geislavirkir“