Hafrannsóknarstofnun Íslands hefur ráðlagt að leyft verði laxeldi í Ísafjarðardjúpi með allt að 12 þúsund tonna lífmassa, en burðarþolsmatið en 30 þúsund tonn. Einnig er lagt til að leyft verði 2.500 tonna heildarlífmassi í Önundarfirði, en ekki er heimilað laxeldi innan línu frá Æðey í Ögurnes. Ef notuð verði 400 gramma seiði má heildarlífmassinn vera 14 þúsund tonn. Þetta kom fram í kynningu Hafró í morgun og BB.is greinir frá.
Jón Páll Hreinsson, bæjarstjóri Bolungarvíkurkaupstaðar, greinir einnig frá þessu á Facebook og segir þetta geta skipt sköpum fyrir byggðarlögin fyrir vestan:
„Hafrannsóknarstofnun hefur gefið út endurskoðað áhættumat erfðablöndunar vegna laxeldis í Ísafjarðardjúpi.Samkvæmt því er lagt til að leyfa 12þ tonna fiskeldi. Þetta eru miklar fréttir fyrir samfélögin við Ísafjarðardjúp. Fiskeldið fer af stað með þeirri uppbyggingu sem því fylgir! Á sama tíma er í gildi öflugt áhættumat til hliðsjónar með öflugu eftirliti sem tryggir öryggi villta laxins. Vel gert allir. Nú er bara fulla ferð áfram!!“
