fbpx
Þriðjudagur 22.september 2020
Eyjan

Árin líða – hrollvekjandi framtíð með ofurvenjulegum persónum

Egill Helgason
Þriðjudaginn 14. janúar 2020 01:29

Ekki missa af Helstu tíðindum dagsins í pósthólfið þitt

Lesa nánar

Years and Years eru athyglisverðir sjónvarpsþættir, breskir að uppruna. Í þeim er gerð tilraun til að segja framtíðarsögu – án þess þó að vera beint vísindaskáldskapur. Þetta er saga af nokkuð venjulegri fjölskyldu, þannig séð, einn bróðirinn er samkyneigður og á í sambandi við flóttamann, ein systirin er í hjólastól og verður afskaplega hrifin af stjórnmálakonu sem er sannur lýðskrumari. Svo er bróðirinn sem er bankamaður sem hefur misst allt og systirin sem er aktífisti og leggur allt í sölurnar fyrir málin sem hún berst fyrir eða gegn.

Þessar persónur eru í sjálfu sér ekkert sérlega eftirminnilegar, sumt í því er nánast eins og í sápuóperu, en það sem gerir þættina sérstaka er að þeir gerast í náinni framtíð með baksvið heimsatburða sem hafa áhrif á líf persónanna. Það er sprengd kjarnorkusprengja við strendur Kína, bankakerfið hrynur, ein persónan deyr af litlu sári vegna fjölónæmra sýkla, fasískt stjórnarfar magnast upp í Austur-Evrópu, samkynhneigðir eru ofsóttir þar og flýja, Evrópusambandið er í upplausn og BBC er lokað;  fólk missir vinnuna og þá er ekki neitt að leita nema í hark-hagkerfið þar sem atvinnan er ótrygg og launin léleg. Þegar svo líður á þættina ná popúlistar völdum í Bretlandi og stöðugt er þrengt að lýðræðinu og mannréttindum.

Þetta á allt að gerast á á árunum frá 2019 til 2034, byrjar með einhvers konar upplausnartilfinningu líkt og margir upplifa í dag – en þróast út í samfélag þar sem eru fangabúðir og andstyggilegt andrúmsloft. Maður er þó ekki skilinn eftir í algjöru vonleysi í lokin, flestar persónurnar eru alveg skikkanlegt fólk, en samt er víst að fær smá ónotatiflinningu gagnvart framtíðinni við áhorfið. En þetta er áhugaverð nálgun í frásögn – að nota ofurhversdagslegan stíl og ofurhversdagslegar persónur til að búa til framtíðarsögu, sem máski er ekki hrollvekja, en full af blikkandi viðvörunarljósum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 4 dögum

Sólveig svarar fullum hálsi – „Hörður virðist, eins og því miður allt of margir, ekki alveg nógu klókur“

Sólveig svarar fullum hálsi – „Hörður virðist, eins og því miður allt of margir, ekki alveg nógu klókur“
Eyjan
Fyrir 4 dögum

Opið bréf með áskorun til ráðherra – Verið að draga úr stuðningi við nýsköpun á landinu öllu

Opið bréf með áskorun til ráðherra – Verið að draga úr stuðningi við nýsköpun á landinu öllu
Eyjan
Fyrir 5 dögum

Efling sakar ASÍ um að taka þátt í „tækifærissinnaðri sérhagsmunagæslu“ Icelandair

Efling sakar ASÍ um að taka þátt í „tækifærissinnaðri sérhagsmunagæslu“ Icelandair
Eyjan
Fyrir 5 dögum

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“
Eyjan
Fyrir 6 dögum

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“
Eyjan
Fyrir 6 dögum

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“