fbpx
Sunnudagur 12.júlí 2020
Eyjan

Sigurður Ingi sagður hafa hlaupið á sig í morgun – Reiði og titringur sagður innan ríkisstjórnarinnar og samstarfsflokka

Ritstjórn Eyjunnar
Fimmtudaginn 17. október 2019 16:28

Sigurður Ingi Jóhannsson, samgöngu- og sveitastjórnarráðherra. Mynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Mikil óánægja ríkir í stjórnarsamstarfinu þar sem samgönguáætlun Sigurðar Inga Jóhannssonar samgönguráðherra, er hann kynnti í morgun, hafi ekki verið rædd né samþykkt af þingflokkum ríkisstjórnarflokkanna. Sigurður Ingi kynnti áætlunina á blaðamannafundi í morgun og er hún komin inn á vef Stjórnarráðsins. Fréttablaðið greinir frá.

Samkvæmt blaðinu fengu hvorki ríkisstjórnin né þingflokkar stjórnarflokkanna kynningu á málinu og eru ráðherrar ríkisstjórnarinnar, bæði Katrín Jakobsdóttir forsætisráðherra og Bjarni Benediktsson fjármálaráðherra, sögð hafa lesið um málið fyrst í fjölmiðlum.

Heimildir Fréttablaðsins herma að fundað hafi verið í fáti í gær þar sem boðað hafi verið til skyndifunda vegna málsins. Þeir hafi þó litlu skilað og því sé mikil óánægja með frumhlaup ráðherra, eins og það hafi verið orðað, þar sem skilningur manna var sá að málið yrði unnið í fullkomnu samráði. Sigurður Ingi sagði á fundinum í morgun að áætlunin gæti vissulega tekið breytingum í þinglegri meðferð.

Myndi ekki orða það þannig

Birgir Ármannsson, þingflokksformaður Sjálfstæðisflokksins, vildi í samtali við Eyjuna ekki taka undir frétt Fréttablaðsins um að titrings gætti vegna málsins, né að Sigurður Ingi hefði orðið uppvís að stjórnsýslulegri fljótfærni:

„Ég myndi ekki orða það þannig nei. Ég ætla ekkert að kommentera á þetta, það er bara þannig að ráðherra getur auðvitað kynnt hvað hann ætlar að leggja til, en málið á auðvitað eftir að fá meðferð bæði á vettvangi ríkisstjórnar og í þingflokkum ríkisstjórnarflokkanna áður en það fer  inn á þingið, þar sem við tekur hefðbundið ferli.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Ja-ja ding dong
Eyjan
Fyrir 4 dögum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
Eyjan
Fyrir 5 dögum

Fangelsinu á Akureyri lokað til að nýta peningana betur annars staðar

Fangelsinu á Akureyri lokað til að nýta peningana betur annars staðar
Eyjan
Fyrir 1 viku

Pútín birti grein í Morgunblaðinu

Pútín birti grein í Morgunblaðinu
Eyjan
Fyrir 1 viku

Skera verður niður óþarfa kostnað vegna Covid-19 kreppunnar

Skera verður niður óþarfa kostnað vegna Covid-19 kreppunnar
Eyjan
Fyrir 1 viku

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 1 viku

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti