fbpx
Föstudagur 27.nóvember 2020
Eyjan

Svona vill Gunnar leysa umferðarhnútinn í Reykjavík: „Ættum að geta lifað við þetta“

Ritstjórn Eyjunnar
Mánudaginn 16. september 2019 12:29

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Gunnar Smári Egilsson, stofnandi Sósíalistaflokks Íslands, leggur til nýstárlega hugmynd til lausnar þeim umferðarhnút sem skapast á degi hverjum í Reykjavík á háannartíma. Hann vill að flugumferð við Reykjavíkurflugvöll verði samrýmd við bílaumferðina á háannartíma, svo hægt verði að aka um flugvöllinn og þar með losa um álagið sem myndast til dæmis á Miklubrautinni á morgnana og síðla dags:

„Samkvæmt upplýsingum Isavia þá lenda eða taka sig á loft 32 farþegavélar frá Reykjavíkurflugvelli á morgun. Miðað við plan er gert ráð fyrir að tvær taki á loft á sömu mínútu og milli sumra annara eru aðeins 5 til 10 mínútur. Ef við gerum ráð fyrir að hægt væri að hafa 5 mínútur á milli flugvéla þarf þessi traffík ekki nema tvö og hálfan tíma. Aðra tíma sólarhringsins mætti nota völlinn til að létta á umferð í kringum miðborgina,“

segir Gunnar.

Fossvogsbrúin einnig fyrir bílaumferð

Hann leggur til að bílaumferð fari yfir brú milli Kópavogs og Reykjavíkur, þar sem þegar er fyrirhugað að hafa brú fyrir gangandi, hjólandi og almenningssamgöngur, en ekki bílaumferð.

„Farþegaflugið mætti nota völlinn milli kl. 6:30 til 7:30, milli kl. 10:30 og 11:00, milli kl. 14:00 til 14:30 og milli kl. 19:30 til 20:00. Það ætti að duga. Aðra tíma mætti nota völlinn fyrir bílaumferð frá Njarðargötu með brú yfir í vesturodda Kópavogs, frá Suðurgötu að Nauthólsvegi við Háskólann í Reykjavík og frá Hlíðarenda að Skerjafirði (sem myndi tengja saman tvö uppbyggingarhverfi. Í það minnsta ætti að leyfa strætó að nota völlinn.“

Gunnar sýnir kort af flugvellinum og leggur til umferðartorg á miðju svæðinu, hvar vegir fyrir bílaumferð fari yfir flugbrautina. Bendir hann á að slíkt þekkist úti í heimi:

„Ég er ekki verkfræðingur, en á myndinni má sjá þessar tengingar með rauðum línum. hafa mætti torg þar sem þríhyrningurinn er. Það er nokkur dæmi þess í heiminum að vegir liggi yfir flugbrautir. Þekktasta dæmið er Gíbraltarflugvöllur, en ég keyrði eftir flugbraut einhvers staðar í Sviss (minnir að það hafi verið Interlaken), svo við ættum að geta lifað við þetta. Til að aðgreina flug- og bílaumferð eru notuð hlið sambærileg þeim sem notuð eru til að aðgreina umferð járnbrauta og bifreiða. Svo tæknin er ekki vandamál.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Gamla fólkið á valdastólum

Gamla fólkið á valdastólum
Eyjan
Fyrir 5 dögum

Ólafur svaraði fyrir breytingarnar hjá Miðflokknum – „Hvað gerir varaformaður í stjórnmálaflokki?“

Ólafur svaraði fyrir breytingarnar hjá Miðflokknum – „Hvað gerir varaformaður í stjórnmálaflokki?“
Eyjan
Fyrir 1 viku

Björn segir að því sé enn ósvarað hvort mistök hafi verið gerð á Landakoti

Björn segir að því sé enn ósvarað hvort mistök hafi verið gerð á Landakoti
Eyjan
Fyrir 1 viku

Heitt í hamsi á Alþingi vegna vaxtahækkanna – „Ég er algjörlega ORÐLAUS!“

Heitt í hamsi á Alþingi vegna vaxtahækkanna – „Ég er algjörlega ORÐLAUS!“
Eyjan
Fyrir 1 viku

Þetta eru hæst og lægst launuðu störfin á Íslandi

Þetta eru hæst og lægst launuðu störfin á Íslandi
Eyjan
Fyrir 1 viku

Una stráfellir fullyrðingar Sigríðar – „Það sem þá gerist er það að fólk deyr“

Una stráfellir fullyrðingar Sigríðar – „Það sem þá gerist er það að fólk deyr“