Reykjavíkurborg og Kópavogsbær hafa samþykkt að kynna sameiginlega tillögu á vinnslustigi að deiliskipulagi brúar yfir Fossvog skv. 40. gr. laga nr. 123/2010 ásamt umhverfisskýrslu sbr. 7. gr. laga nr. 105/2006. Í tillögunni er gert ráð fyrir um 270 m langri brú yfir voginn frá Kársnesi að flugbrautarenda Reykjavíkurflugvallar. Markmið tillögunar er að bæta samgöngutengingar milli Reykjavíkur og Kópavogs og styðja við vistvæna samgöngukosti.
Þetta kemur fram á vef Reykjavíkurborgar.
Brúin verður fyrir umferð gangandi, hjólandi og almenningssamgöngur. Tillagan er sett fram á uppdrætti í mkv. 1:2500 ásamt skýringarmyndum og greinargerð með umhverfisskýrslu dags. 30. apríl 2018.
Tillagan liggur frammi í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 og í þjónustuveri Kópavogsbæjar að Digranesvegi 1 frá kl. 8:30 til 16:00 mánudaga og fimmtudaga og á föstudögum frá 8:30 til 15:00. Á eftirfarandi vefslóðum Reykjavíkurborgar og Kópavogsbæjar er að finna gögn tillögunnar; greinargerð, uppdrátt og umhverfisskýrslu: https://www.kopavogur.is/, https://reykjavik.is/
Óskað er eftir að ábendingar við vinnslutillöguna berist fyrir 20. júní 2018. Ábendingar er hægt að senda á sveitarfélögin, hvort heldur sem er:
Skriflega til skipulags- og byggingardeildar Kópavogs, Digranesvegi 1, b.t. skipulagsstjóra, eða á netfangið skipulag@kopavogur.is.
Skriflega, til umhverfis – og skipulagsviðs Reykjavíkur, Borgartúni 12-14, b.t. skipulagsstjóra, eða á netfangið skipulag@reykjavik.is.
Skipulagssvæðið tekur l þess svæðis á landi og sjó sem mun falla undir og við fyrirhugaða brúartenginguyfir Fossvog milli Kópavogs og Reykjavíkur. Í Reykjavík liggja norðurmörk deiliskipulagssvæðisins með mörkum Reykjavíkurflugvallar og í átt að Ylströndinni í Nauthólsvík. Í Kópavogi nær deiliskipulagssvæðið að deiliskipulagsmörkum Vesturvarar 38a og 38b og nær utan um fyrirhugaða landfyllingu og brúarendann. Stærð deiliskipulagssvæðisins er um 4,1 ha.
Tengill
