fbpx
Föstudagur 30.september 2022
Eyjan

Málverk af Jóni Baldvin Hannibalssyni og Bryndísi Schram fjarlægt að ósk nemanda

Ragna Gestsdóttir
Þriðjudaginn 5. febrúar 2019 16:15

Ekki missa af Helstu tíðindum dagsins í pósthólfið þitt

Lesa nánar

Málverk af hjónunum Jóni Baldvini Hannibalssyni og Bryndísi Schram hefur hangið áratugum saman á vegg í matsal Menntaskólans á Ísafirði.

Það hefur hins vegar verið tekið niður að beiðni nemanda skólans. RÚV greindi frá.

Það var nemandi í feministafélagi MÍ sem fór fram á það við starfsfólk skólans að málverkið yrði tekið niður og var það gert samdægurs. Staðfestir Jón Reynir Sigurvinsson, skólameistari MÍ, það að málverkið hafi verið tekið niður.

Formlegt erindi barst ekki um málið, heldur var málverkið fjarlægt til að bregðast við ábendingum frá nemendum og starfsfólki um að málverkið ylli fólki óþægindum. Jón Reynir vildi ekki veita upplýsingar um hvar málverkið er nú niðurkomið en segir það ekki hanga lengur á vegg í skólanum.

Málverkið af hjónunum, sem nú hefur verið fjarlægt.

Jón Baldvin Hannibalsson var fyrsti skólameistari Menntaskólans á Ísafirði á árinum 1970-1979 en meðal þeirra sem hafa sagt sögur sínar af kynnum við Jón Baldvin undir myllumerkinu #metoo eru fyrrverandi nemendur við skólann. Málverkið var gjöf frá fyrsta útskriftarárgangi skólans og var fært skólanum á 10 ára stúdentsafmæli þeirra árið 1984. Málverkið hefur því hangið uppi í meira en þrjá áratugi. Ekki er sérstök hefð fyrir því að málaðar séu myndir af fyrrverandi skólameisturum. Bryndís Schram, eiginkona Jóns Baldvins, gegndi einnig stöðu skólameistara við skólann á tímabili og kenndi jafnframt tungumál.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Segir ásökun Tómasar byggða á misskilningi – „Misskilningi sem þarf að leiðrétta“

Segir ásökun Tómasar byggða á misskilningi – „Misskilningi sem þarf að leiðrétta“
Eyjan
Fyrir 4 dögum

Sakar Þjóðskrá um að hafa gripið fram fyrir hendur byggingarfulltrúa við gerð fasteignamats 2023

Sakar Þjóðskrá um að hafa gripið fram fyrir hendur byggingarfulltrúa við gerð fasteignamats 2023
Eyjan
Fyrir 4 dögum

Lýsir yfir sigri í ítölsku þingkosningunum – Giorgia Meloni væntanlega nýr forsætisráðherra

Lýsir yfir sigri í ítölsku þingkosningunum – Giorgia Meloni væntanlega nýr forsætisráðherra
Eyjan
Fyrir 1 viku

Ásdís segir grein stjórnarandstæðings sé ekki til sóma – „Segja rétt frá í stað þess snúa sannleikanum á hvolf“

Ásdís segir grein stjórnarandstæðings sé ekki til sóma – „Segja rétt frá í stað þess snúa sannleikanum á hvolf“
EyjanFastir pennar
Fyrir 1 viku

Björn Jón skrifar: Fjárlög vinstristjórnar og broguð stjórnmál

Björn Jón skrifar: Fjárlög vinstristjórnar og broguð stjórnmál