fbpx
Mánudagur 06.júlí 2020
Eyjan

Kolbrún segir háan lögfræðikostnað Félagsbústaða „skjóta skökku“ við: „Stjórnarformaðurinn er lögfræðingur“

Ritstjórn Eyjunnar
Fimmtudaginn 15. nóvember 2018 16:45

Ekki missa af Helstu tíðindum dagsins í pósthólfið þitt

Lesa nánar

Heildarlögfræðikostnaður Félagsbústaða frá 1. janúar 2013 til 30. september 2018, nemur rúmum 111 milljónum króna. Þetta kemur fram í svari Sigrúnar Árnadóttur, starfandi framkvæmdastjóra Félagsbústaða, við spurningum Kolbrúnar Baldursdóttur, borgarfulltrúa Flokks fólksins, um lögfræðikostnað Félagsbústaða vegna innheimtumála, útburðarmála, ráðgjafar, skuldabréfaútboðs og annarra samninga á tímabilinu.

Lögfræðiþjónustan var keypt af átta lögfræðistofum, en Kolbrún kallaði í dag eftir sundurliðun á fjárhæðinni, þar sem henni þykir skjóta skökku við að fyrirtækið leiti sér lögfræðiaðstoðar í svo miklum mæli, ekki síst þegar stjórnarformaðurinn sé sjálfur lögfræðingur, en Haraldur Flosi Tryggvason, stjórnarformaður Félagsbústaða, er einn af eigendum LMB Mandat lögfræðistofu:

„Þetta er mikill lögfræðikostnaður sem hér um ræðir. Dæmi eru um að fólk hafi kvartað yfir því  að „lögfræðingum hafi verið sigað“ á það af Félagsbústöðum þegar verið er að kvarta t.d. yfir myglu eða öðrum málum sem það telur sig ekki hafa fengið svör við eða sanngjarna afgreiðslu á. Eftirtektarvert er að hluti af þessum kostnaði fer í ráðgjöf. Af hverju þurfa Félagsbústaðir að leita sér lögfræðiráðgjafar ? Stjórnarformaðurinn er lögfræðingur sem dæmi. Það skýtur því skökku við að verið sé að leita lögfræðings utan fyrirtækisins til að fá slíka ráðgjöf. Lögfræðikostnaður er einnig í útburðarmálum. Útburður á fólki hjá Félagsbústöðum sem er fyrirtæki í eigu borgarinnar er afar dapur svo vægt sé tekið til orða. Hér er um fólk sem hefur engin bjargráð og ætti Félagsbústaðir frekar að leita leiða til að leysa vanda fólk en að kosta lögfræðinga í mál af þessu tagi. Flokkur fólksins mun óska eftir sundurliðun á þessari tölu.“

segir í bókun Kolbrúnar.

Kolbrún lagði fram tillögu á borgarráðsfundi í dag, þar sem hún spurði hversu stór hluti upphæðarinnar hafi farið í ráðgjöf, til hvaða lögfræðistofa var leitað og hvernig kostnaðurinn dreifðist á þær.

Krefst afsagnar Haraldar

Kolbrún krafðist afsagnar Haraldar Flosa nýverið, vegna framúrkeyrslu Félagsbústaða við endurgerð 53 íbúða við Írabakka, á fundi sem Haraldur sat með fulltrúum minnihlutans. Framkvæmdastjóri Félagsbústaða sagði af sér vegna framúrkeyrslunar, sem nam 330 milljónum króna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 4 dögum

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti
Eyjan
Fyrir 1 viku

Ný skýrsla: Heilbrigðisstofnanir, dómstólar og lögregluembætti fylgja ekki lögum og reglum

Ný skýrsla: Heilbrigðisstofnanir, dómstólar og lögregluembætti fylgja ekki lögum og reglum
Eyjan
Fyrir 1 viku

Icelandair frestar hlutafjárútboði – Greiðslustöðvun náist ekki samningar

Icelandair frestar hlutafjárútboði – Greiðslustöðvun náist ekki samningar