Það hefur enginn leikmaður AC Milan verið verri á tímabilinu en hinn öflugi Theo Hernandez að sögn fyrrum leikmanns félagsins, Antonio Cassano.

Cassano er ansi umdeildur einstaklingur en hann lék með ófáum góðum liðum á sínum ferli og er nú duglegur að tjá sig í fjölmiðlum.

Hernandez er talinn vera einn besti vinstri bakvörður heims en franski landsliðsmaðurinn hefur ekki verið upp á sitt besta í vetur.

,,Við skulum vera hreinskilin, það var ekki hægt að horfa á Theo Hernandez í síðustu 12 leikjunum,“ sagði Cassano.

,,Hann var leikmaðurinn sem gerði gæfumuninn á vinstri vængnum, hann tók hlaup og skapaði færi.“

,,Hann hefur verið pirraður síðan í byrjun tímabils og er að standa sig mun verr. Margir vilja meina að hann sé besti vinstri bakvörður heims svo hann þarf að fá sömu meðferð og Rafael Leao.“

,,Þú ert að gera mistök, hvað er að? Þú þarft að takast á við þetta vandamál ásamt félaginu eða Filippo Terracciano spilar næsta leik.“