Eyjan efndi um helgina til könnunar meðal lesenda um hvern þeir vilja fá sem næsta forsætisráðherra. Tilefnið er augljóst, alþingiskosningarnar sem fara fram 30. nóvember næstkomandi. Skemmst er frá því að segja að hlutskarpastur í þessari könnun var Sigmundur Davíð Gunnlaugsson formaður Miðflokksins sem var eins og flestir ættu að muna forsætisráðherra á árunum 2013-2016. Flestum þátttakendum í könnunni líst því vel á að Sigmundur Davíð snúi aftur í forsæti við ríkisstjórnarborðið.

Alls voru 9.505 atkvæði greidd í könnuninni. Sigmundur Davíð var eins og áður segir hlutskarpastur með 2.042 atkvæði, 21,40 prósent.

Í öðru sæti var Kristrún Frostadóttir formaður Samfylkingarinnar með 1.826 atkvæði, 19,13 prósent.

Þar á eftir kom núverandi forsætisráðherra og formaður Sjálfstæðisflo0kksins Bjarni Benediktsson með 1.723 atkvæði, 18,05 prósent.

Í fjórða sæti var Þorgerður Katrín Gunnarsdóttir formaður Viðreisnar en hún fékk 1.334 atkvæði, 13,98 prósent.

Aðrir flokksleiðtogar og stjórnmálamenn fengu minna en 10 prósent atkvæða. Heildarniðurstöður könnunarinnar má sjá hér.