Tvítug kona og 22 ára gamall karlmaður hafa verið sakfelld fyrir ósiðlega hegðun um borð í farþegavél Easy Jet sem flaug frá Tenerife til Bristol á Englandi þann 3. mars síðastliðinn. Canarian Weekly greinir frá þessu.

Háttsemi parsins var fólgin í því að konan lét vel að kynfærum mannsins undir úlpu sem þó huldi ekki kynfæri hans betur en svo að nærliggjandi farþegar sáu hvað fram fór, þar á meðal unglingsstúlka. Farþegar kvörtuðu undan hegðun parsins við áhöfn flugvélarinnar en þegar starfsfólkið ræddu við þau sagðist stúlkan bara hafa verið að nudda fótlegg mannsins.

Parið var handtekið við komuna til Bristol, en þau eru bæði bresk.

Þau játuðu bæði sök fyrir dómi. Karlmaðurinn (sem hafði beðið konuna um að láta vel að sér) var dæmdur í 300 stunda samfélagsþjónustu, en konan í 270 stundir. Þau voru einnig dæmd til að greiða farþegunum þremur sem horfðu upp á kynferðislegar athafnir þeirra, hverju fyrir sig, 100 pund.

Sjá nánar hér.