Síðasta leik kvöldsins í Bestu deild kvenna var að ljúka en þar vann Valur heldur þægilegan sigur á FH.
Amanda Andradóttir skoraði eina mark fyrri hálfleiks og leiddi Valur 1-0 eftir hann.
Hún var aftur á ferðinni eftir um klukkutíma leik með mark af vítapunktinum.
Jasmín Erla Ingadóttir skoraði svo þriðja mark Vals en í blálokin minnkaði Ída Marín Hermannsdóttir muninn fyrir FH.
Valur er í öðru sæti deildarinnar með 24 stig, jafnmörg og topplið Breiðabliks.
FH er í fjórða sæti með 13 stig.
