Í dag verður ákæra á hendur dönskum áhrifavaldi tekin fyrir hjá undirrétti í Kaupmannahöfn. Áhrifavaldurinn, sem er með um 80.000 fylgjendur, er ákærður fyrir ummæli sem hann lét falla um hryðjuverkaárás Hamas á Ísrael þann 7. október síðastliðinn.

Áhrifavaldurinn, sem er karlmaður, birti myndband á Snapchatprófíl sínum á tímabilinu 7. til 13. október þar sem hann tjáði sig um hryðjuverkið.

Að mati ákæruvaldsins eru ummælin viðurkenning á hryðjuverkinu og þar með refsiverð.

Í ákærunni kemur fram að meðal þess sem maðurinn sagði var: „Það býr fólk þarna niður frá sem er ekki enn búið að kljúfa í tvennt. En 250 manns, það er ekki svo slæmt.“

Ríkissaksóknari segir að ummælin hafi verið sett fram á prófíl mannsins á Snapchat og hafi þannig getað náð til mikils fjölda fylgjenda hans.

Ákæruvaldið krefst þess að hann verði dæmdur til fangelsisvistar.