Ein banvænasta fegrunaraðgerðin, að sögn AP-fréttaveitunnar, er aðgerð sem kallast brazilian butt lift en í henni er fita er notuð til að fylla í rass og mjaðmir. Hafa vinsældir þessarar aðgerðir aukist á undanförnum árum og samhliða því hefur dauðsföllum fjölgað.
Sóttvarnastofnun Bandaríkjanna, CDC, heldur utan um þessar tölur og létust sem fyrr segir 93, þar af 92 konur, á árunum 2009 til 2022. Frá árinu 2019 hafa um 50 manns látist og er fjölgun dauðsfalla í réttu hlutfalli við auknar vinsældir þessarar tilteknu aðgerðar.
Dóminíska lýðveldið er vinsæll ferðamannastaður og þar er hægt að komast undir hnífinn fyrir pening en í öðrum löndum.
Í umfjöllun AP kemur fram að dauðsföllin séu ekki bara bundin við Dóminíska lýðveldið því þau hafa einnig átt sér stað í öðrum ríkjum, einnig í Bandaríkjunum.
Árið 2020 fjallaði DV um vinsælustu fegrunaraðgerðirnar á Íslandi og sagði lýtalæknirinn Hannes Sigurjónsson að þó aðgerðin væri ekki meðal þeirra vinsælustu hér á landi væri mikið spurt um hana.
„Þessi aðgerð fékk á sig slæmt orð vegna tíðra fylgikvilla, sem aðallega voru vegna þess að ósérhæfðir aðilar voru að framkvæma þessar aðgerðir, það er, ekki lýtalæknar, og jafnvel voru þær framkvæmdar í kjallaraíbúðum erlendis, þar sem iðnaðarsilíkoni eða öðrum efnum var komið fyrir í rassinum. En ef þessi aðgerð er gerð af sérhæfðum lýtalækni á faglegan hátt, við viðurkenndar aðstæður og með viðurkenndum aðferðum, þá er tíðni fylgikvilla ekki hærri en við aðrar algengar fegrunaraðgerðir,“ sagði Hannes.
