Hákon Rafn Valdimarsson er líklega að kveðja lið Elfsborg í janúar og mun gera samning við Gent í Belgíu.

Frá þessu hafa fjölmargir sænskir miðlar greint en Hákon var valinn besti markmaður efstu deildar í Svíþjóð á síðasta tímabili.

Hákon er þó að kveðja Elfsborg og mun halda til Belgíu en sænska félagið er búið að finna arftaka hans.

Um er að ræða markmanninn Isak Pettersson sem spilar með Stabæk í Noregi og er 26 ára gamall.

Pettersson á að baki tvo landsleiki fyrir Svíþjóð og er þekktastur fyrir tíma sinn hjá Norrköping frá 2018 til 2020.

Eftir það hélt Svíinn til Frakklands og samdi við Toulouse en eftir misheppnaða dvöl þar skrifaði hann uindir hjá Stabæk fyrr á þessu ári.