Við eigum að rukka flugfélög sem fljúga til Íslands, skemmtiferðaskip sem hingað koma og farþega sem kjósa að koma til Íslands. Við eigum að taka gjald sem notað verður til að byggja hér upp innviði, segir Þórunn Reynisdóttir, forstjóri Úrvals-Útsýn i hlaðvarpi Markaðarins á Eyjunni.

Markadurinn - Þórunn Reynisdottir: Gjald fyrir þjónustu

Þórunn segir ferðaskrifstofur sem ekki vilja innheimta gjald af ferðamönnum vera vælukjóa. Við Íslendingar greiðum svona gjöld erlendis með glöðu geði og það myndu erlendir ferðamenn hér líka gera.

Þórunn segir fulla þörf á þessum peningum í íslenska innviði, hvort sem um er að ræða vegakerfið, heilbrigðiskerfið eða aðra hluti. Gott vegakerfi og heilbrigðiskerfi um land allt séu nauðsynlegur grunnur í þá innviði sem þarf til að halda uppi góðri ferðaþjónustu hér á landi, að ekki sé minnst á þjónustuna við okkur sem búum í þessu landi.

Hún segir okkur Íslendinga vera enn þá innstillta á það að vera svo þakklát fyrir útlendinga sem vilji ferðast hingað til lands að við viljum helst leyfa þeim að gista frítt.