Það er beinlínis rangt að hagvöxtur hér á landi sé meiri en í öðrum löndum. Hagvöxtur hér er sá minnst innan OECD og fer raunar lækkandi á hvern mann. Sá hagvöxtur sem stjórnvöld státa sig af og segja að geri stöðu Íslands öfundsverða er tilkominn vegna mikillar mannfjölgunar en erlent vinnuafl hefur streymt hingað til lands.

Þorbjörg Sigríður Gunnlaugsdóttir, þingmaður Viðreisnar, bendir á þetta í aðsendri grein sem birtist á Eyjunni í dag.

Hún segir að útgjaldaáætlun ríkisstjórnarinnar byggist á fullkomnum misskilningi þar sem hún miðist við mesta hagvöxt í Evrópu á sama tíma og hagvöxtur hér á landi er sá minnsti í Evrópu.

Hún bendir á að heildarhagvöxtur hafi aukist vegna mikils innstreymis fólks sem starfar að mestu við ferðaþjónustu, en í þeirri grein er framleiðni lítil og því dregur þessi fólksfjölgun úr hagvexti á mann.

Ferðaþjónustan hefur einnig töluverð ruðningsáhrif á húsnæðismarkað, bæði bein áhrif og óbein þar sem allt þetta fólk þarf þak yfir höfuðið.

Þorbjörg Sigríður segir ríkisstjórnina ekki var hluti lausnarinnar í baráttunni við verðbólguna. Þvert á móti sé hún stór hluti þess vanda sem við blasir.

Grein Þorbjargar Sigríðar má lesa hér.