Fyrrverandi vændiskonan Samantha X, sem heitir réttu nafni Amanda Goff, afhjúpar hvaða starfsstéttir eru með verstu elskhugana.
Hún greinir frá þessu í pistli á DailyMail Australia.
„Viltu eiga góða stund í svefnherberginu? Þá skaltu forðast þessa menn eins og heitan eldinn,“ segir hún og bætir við að atvinna karlmanns hafi ýmislegt að segja um hæfni hans í svefnherberginu.
Sjá einnig: Fyrrverandi vændiskona afhjúpar merki þess að makinn sé að halda framhjá
„Ég bý yfir áratuga reynslu sem vændiskona þannig ef það er einhver sem skilur karlmenn, þá er það ég. Ég veit leyndarmálin þeirra og hef heyrt sögurnar þeirra. Ég hef séð þá gráta og ég hef orðið vitni að lygum þeirra. Ég veit hvað þeir elska við konur og hvað slekkur í þeim. Og ég veit að þeir eru ekki fullkomnir.“
Frægir menn
„Þumalputtareglan er: Því frægari þeir eru, því meiri reynslu hafa þeir á ferilskránni. Það eru „D-lista“ stjörnurnar sem þú þarft að passa þig á. Sérstaklega raunveruleikastjörnur og þáttastjórnendur.“
Frumkvöðlar
„Þegar maður segist vera frumkvöðull þá er hann í rauninni að segja: „Enginn vill vinna með mér.“
Hann hefur stórar hugmyndir fyrir svefnherbergið sem skila litlu sem engu. Hann er líka mjög góður að hverfa af yfirborði jarðar.“
Geðlæknar
„Ef þú ert fyrir flókna hugarleikfimi þá eru geðlæknar fyrir þig. Hann mun láta þig efast um sjálfa þig og sannfæra þig um að þú sért klikkuð áður en þið eruð nakin (og hann mun afklæða sig mjög hægt og brjóta allt mjög snyrtilega saman).“
Sölumenn
„Aldrei treysta karlmanni sem notar nafnið þitt í hverri setningu. Þetta er gamalt sölutrix og hann er að reyna að skapa nánd, sem er ekki alvörunni nánd. Hann er bara að reyna að muna hver þú ert.“
Verðbréfasalar
„Ég hef sagt að þegar Guð skapaði siðblindingja þá bjó hann til lögmenn. En þegar Guð skapaði verðbréfasala þá bjó hann til egó.
Þeir eru venjulega vel klæddir en hegða sér eins og fávitar.“
Samantha nefnir einnig starfsgreinarnar með bestu elskhugana og efstir á lista eru iðnaðarmenn.
Aðrar starfsstéttir sem kunna sitt fag í svefnherberginu eru:
Lögmenn
Læknar
Endurskoðendur
Fræðimenn
Lögreglumenn
