Inigo Martinez er að ganga í raðir Barcelona. Er hann sá fyrsti sem félagið fær í sumar.
Um er að ræða 32 ára gamlan miðvörð sem kemur á frjálsri sölu frá Athletic Bilbao, en samningur hans þar er að renna út.
Martinez gekk í raðir Athletic árið 2018 frá Real Sociedad.
Miðvörðurinn mun skrifa undir tveggja ára samning á Nývangi.
Það verður líklega nóg að gera á félagaskiptamarkaðnum í sumar. Lionel Messi hefur til að mynda verið orðaður við endurkomu til félagsins.
