Davíð Lúther Sigurðsson, framkvæmdastjóri og einn eigenda Sahara auglýsingastofunnar, hefur sagt skilið við fyrirtækið. Í færslu á Facebook segist Davíð kveðja Sahara afar stoltur.

„Ferðalagi mínu í Sahara er nú lokið. Að stofna og reka þetta skemmtilega fyrirtæki með góðum vinum og samstarfsfólki var forréttindi enda ekki þessa hefðbunda auglýsingastofa, meira svona auglýsingastofan sem getur allt,” segir Davíð.

Davíð stofnaði framleiðslufyrirtækið Silent fyrir 2009 og var einn af stofnendum Sahara fyrir 2016.

SAHARA er ein af stærstu auglýsingastofum landsins í dag og mun heldur betur halda àfram að vaxa segir í færslu Davíðs

„Magnað ævintýri undanfarin àr þar sem árleg ráðstefna, opnum útibús í Orlando, stofnun á skólanum SAHARA Academy og vöxtur á hverjum degi og margt fleira varð að veruleika enda mikill metnaður í eigendum og starfsfólki. Nú hefst hjá mér góð slökun fyrir sál og líkama enda lítið um það undanfarin ár.”