Unga parið Rachel Kennedy og kærasti hennar Liam McCrohan lentu heldur betur í lukkupottinum í febrúar árið 2021 – eða það héldu þau.
Þau fengu skilaboðin sem flesta dreymir um – þau höfðu unnið stóra pottinn í EuroMillions lottóinu á áskriftarmiða sinn. Vinningurinn hljóðaði upp á tæpa 33 milljarða.
Þau byrjuðu strax að gera áform um nýja lífið sem tæki nú við hjá þeim, með allan þennan pening.
Það voru því ólýsanleg vonbrigði þegar Rachel fékk að heyra það frá umsjónarmönnum lottósins að ekki hafi reynst heimild á reikningi hennar þegar skuldfæra átti gjaldið fyrir áskriftina – miðinn hafði því ekki verið keyptur í raun og veru og skilaboðin send henni fyrir mistök.
Þau voru vissulega með allar tölur réttar, eða hefðu verið það hefði miðinn í raun verið keyptur.
Þau segja að vonbrigðin hafi verið áþreifanleg, einkum hjá Liam sem hafði þegar byrjað að eyða peningunum í huga sér.
„Ég varð algjörlega eyðilagður þegar ég heyrði manninn í símanum segja að við hefðum í raun ekki keypt miðann. Ég var farinn að sjá fyrir mér draumahúsið og draumabílinn, ég held að ég hafi farið aðeins fram úr mér, til að vera hreinskilinn.“
Umsjónarmaður lottósins óskaði þeim þó góðs gengist í næstu útdráttum. Þau Liam og Rachel segja að þau hafi ákveðið að skipta um tölur á áskriftarmiða sínum, enda ólíklegt að vinna aftur með þær sömu.
Nú halda þau í þá von að hafa heppnina með sér aftur, ef heppni má kalla.
