Hún er ekki hrædd við að takast á við þekkta einstaklinga og nú síðast var það Andrew Tate, sem er þekktur kvenhatari og öfgamaður, sem fékk að kenna á orðum hennar.
Tate nýtur mikilla vinsælda á samfélagsmiðlum þar sem hann breiðir út vafasaman boðskap sem virðist að stórum hluta byggjast á kvenhatri og margskonar öfgahyggju.
Hann birti nýlega færslu á Twitter þar sem hann beindi orðum sínum að Thunberg:
„Hæ @GretaThungberg. Ég á 33 bíla. Það er bara byrjunin. Skildu vinsamlegast eftir netfangið þitt svo ég get sent þér lista yfir bílaeign mína og ótrúlega mengunina frá þeim,“ skrifaði hann.
Eflaust hefðu flestir látið þessu ósvarað en ekki Thunberg. Hún svaraði honum fullum hálsi:
„Já, fræddu mig endilega. Sendu tölvupóst á smalldickenergy@getalife.com,“ skrifaði hún.
yes, please do enlighten me. email me at smalldickenergy@getalife.com https://t.co/V8geeVvEvg
— Greta Thunberg (@GretaThunberg) December 28, 2022
Með orðunum „small dick“ gefur hún einfaldlega til kynna að Tate sé með lítið typpi og það virðist hafa komið illa við hann, því hann svaraði: „Hvernig dirfist þú?!“
