Það fóru fram svakalegir leikir í Lengjudeild karla í kvöld og vantaði svo sannarlega ekki upp á fjörið en 24 mörk voru skoruð í fimm leikjum.

Sjö marka leikur fór fram í Grafarvogi þar sem Fjölnir vann Grindavík 4-3 eftir að hafa lent 2-0 undir.

Hans Viktor Guðmundsson skoraði tvö fyrir Fjölni sem er í þriðja sæti deildarinnar með 30 stig.

Fylkir er nú á toppnum með 39 stig eftir annan sjö marka leik sem fór fram í kvöld gegn Selfoss.

Fylkir vann þá viðureign einnig 4-3 og fer yfir HK í töflunni og er með tveggja stiga forskot á toppnum.

Kórdrengir burstuðu lið Vestra 4-0 á heimavelli og bjarga sér í raun algjörlega frá falli með sigrinum. Liðið er með 21 stig, tíu stigum frá KV sem er í 11. sætinu.

KV tapaði 4-1 gegn Aftureldingu í kvöld og Grótta vann þá botnlið Þróttar Vogum 1-0 á útivelli.

Þróttur þyrfti að vinna alla sína fimm leiki sem eru eftir til að eiga einhvern möguleika á að halda sér uppi.

Fjölnir 4 – 3 Grindavík
0-1 Kenan Turudija (‘6)
0-2 Aron Jóhannsson (‘8)
1-2 Dofri Snorrason (’10)
2-2 Hans Viktor Guðmundsson (’31)
2-3 Kristófer Páll Viðarsson (’59)
3-3 Viktor Andri Hafþórsson (’66)
4-3 Hans Viktor Guðmundsson (’69)

Fylkir 4 – 3 Selfoss
1-0 Emil Ásmundsson (‘4)
2-0 Birkir Eyþórsson (’41)
3-0 Emil Ásmundsson (’45)
3-1 Gary Martin (’47)
3-2 Valdimar Jóhannsson (’60)
4-2 Birkir Eyþórsson (’63)
4-3 Hrvoje Tokic (’90, víti)

Þróttur V. 0 – 1 Grótta
0-1 Luke Rae (’29)

Kórdrengir 4 – 0 Vestri
1-0 Arnleifur Hjörleifsson (‘5)
2-0 Morten Hansen (’24)
3-0 Loic Mbang Ondo (’71, víti)
4-0 Bjarki Björn Gunnarsson (’86, víti)

Afturelding 4 – 1 KV
1-0 Marciano Aziz (’36)
2-0 Marciano Aziz (’60, víti)
3-0 Javier Robles (’66)
3-1 Askur Jóhannsson (’80)
4-1 Marciano Aziz (’92)