Á föstudaginn datt eldri kona í tjörn á golfvelli í Flórída. Vitni sáu að konan átti erfitt með að halda sér á floti. Síðan sáust tveir krókódílar synda að henni og ráðast á hana.

Konan var síðar úrskurðuð látin á vettvangi að sögn Sky News.

Tveir krókódílar voru síðar fjarlægðir af svæðinu en ekki er vitað hvort það eru þeir sömu og urðu konunni að bana.

The Florida Fish and Wildlife Conservation Commisson segir að krókódílar hafi sig meira í frammi þegar hlýtt er í veðri.

Nýlega lést 47 ára karlmaður þegar hann var að leita að frisbí diskum í tjörn á golfvelli í Largo. Talið er að krókódíll hafi orðið honum að bana.