Jóhannes Loftsson, oddviti Ábyrgrar framtíðar, sakar fjölmiðlana Morgunblaðið, Stundina og Stöð 2 um að sniðganga framboðið og önnur ný framboð í kappræðum sem fjölmiðlarnir hafa haldið í miðlum sínum. Jóhannes segir þessa framkomu fjölmiðlana bera merki um litla virðingu gagnvart lýðræðinu.
Jóhannes fer yfir málið í pistli á Facebook-síðu sinni og segir:
„Þessi framsetning Stundarinnar, Stöðvar 2 og Morgunblaðsins með sínum kappræðum er ekki lýðræðisleg heldur aðför að lýðræðinu. Allir flokkar sem bjóða sig fram í borginni hafa þegar farið í gegnum inntökuprófið með meðmælasöfnun og uppstillingu lista, þannig að með því að útskúfa nýjum flokkum úr sínum kappræðum eru þessir fjölmiðlar freklega að reyna að hafa áhrif á hið lögbundna lýðræðislega ferli.
Finnst fólki þetta virkilega eðlilegt?“
Jóhannes er ósáttur við að fjölmiðlar sem styrktir eru af ríkisfé sniðgangi lítil og ný framboð fyrir kosningarnar. Pistil hans má lesa með því að smella á tengilinn hér fyrir neðan:
