Michael Carpenter, karlmaður frá Derbyshire á Englandi, trúði ekki eigin augum þegar hann opnaði eignayfirlitið sitt og sá að hann hafði eignast hundruðir milljóna yfir nóttu. Carpenter hafði fjárfest í verðbréfafyrirtækinu Hargreaves Lansdown fyrir 120 þúsund pund, rúmlega 19 milljónir í íslenskum krónum.

Þegar Carpenter vaknaði þennan örlagaríka morgun og opnaði eignayfirlitið sitt sá hann að hann hafði grætt 2,6 milljónir punda, það eru um 420 milljónir í íslenskum krónum. „Ég var í sjokki, ég hugsaði bara með mér: Er þetta rétt? Ég taldi alla tölustafina til að vera alveg viss og þá sá ég hvað þetta voru margar milljónir,“ segir hann í samtali við The Sun.

Carpenter trúði ekki sínum eigin augum, þetta væri of gott til að vera satt. Því miður fyrir hann þá reyndist það vera raunin, þetta var of gott til að vera satt. Um var nefnilega að ræða villu í kerfinu, hann hafði ekki í raun og veru grætt allan þennan pening.

Sem betur fer hafði Carpenter leitað eftir frekari upplýsingum um þennan skjótfengna gróða áður en hann fór að eyða milljónunum. „Verðbréf geta farið upp og niður en þau myndu í raun aldrei taka svona miklum breytingum – eiginlega ekki einu sinni á heillri mannsævi,“ segir hann.

Rætt var við talsmann Hargreaves Lansdown um málið sem segir að villan sem um ræðir hafi ollið því að fjöldi viðskiptavina hafði fengið ranga upphæð gefna um virði veðrbréfanna. Búið er að koma þessu öllu saman í lag núna.