Samkvæmt frétt smh.com þá er svo mikill skortur á starfsfólki á mörgum gjörgæsludeildum að þær starfa án hópstjóra og nægilegra margra hjúkrunarfræðinga. Leiðbeinendum hjúkrunarfræðinga hefur verið gert að hætta að kenna þeim og leiðbeina til að þeir geti sjálfir annast sjúklinga. Mikið álag er einnig á gjörgæsludeildirnar vegna sjúklinga sem myndu fara á aðrar deildir ef ástandið væri eðlilegt. Það eru sjúklingar sem bætast við þá sem leita beint á slysadeildirnar.
Sjúklingum fer fjölgandi á COVID-19-deildum sjúkrahúsa og búið er að breyta mörgum venjulegum legudeildum í COVID-19-deildir.
Hjúkrunarfræðingar segjast hafa miklar áhyggjur af öryggi og heilbrigði starfsfólks og vaxandi óánægja er meðal þeirra vegna þess skorts á stuðningi og viðurkenningu sem þeir telja sig verða vara við. Auk þess sé starfsumhverfið óöruggt.
Vegna heimsfaraldursins hafa hjúkrunarfræðingar, sem eiga að vera í sóttkví vegna kórónuveirusmits í nágrenni þeirra, jafnvel kallaðir til vinnu og verða að vera alklæddir hlífðarfatnaði öllum stundum til að draga úr líkunum á að þeir smiti út frá sér ef ske kynni að þeir væru smitaðir.
