Þættirnir heita „Secrets of Playboy“ og verða teknir til sýninga á næsta ári. Nú þegar hefur verið skýrt frá nokkrum atriðum sem koma fram í þáttunum þar sem ljósi verður varpað á hvað gerðist á bak við luktar dyr. Margar af fyrrum „leikfélögunum“ (Playmates) koma fram í þáttunum og skýra frá upplifunum sínum.
„Hef lét sem hann notaði ekki eiturlyf en það var bara lygi. Hann tók methaqualone (það er sterkt róandi lyf, innsk. blaðamanns) þegar hann ætlaði að stunda kynlíf. Venjulega tók hann bara hálfa en ef maður tók tvær missti maður meðvitund,“ segir Sondra Theodora, sem er nú 64 ára en hún var „leikfélagi“ frá 1976 til 1981.
Hefner hélt því alltaf fram að hann notaði ekki eiturlyf né önnur lyf en það var ekki rétt samkvæmt því sem Theodora segir.
Theodora segir einnig að methaqualone hafi verið notað til að koma „leikfélögunum“ í vímu svo þær yrðu viljugri í kynlífinu. Fjöldi starfsmanna í höllinni sá um að útvega lyfið svo alltaf væri nóg til af því til að gefa konunum þegar einhver vildi stunda kynlíf með þeim í samkvæmunum.
„Þetta var tæling og menn vissu að þeir gátu fengið konurnar til að gera næstum hvað sem þeir vildu ef þeir gáfu þeim methaqualone,“ segir Theodora.
Lisa Loving Barret, sem var starfsmaður í Playboyhöllinni frá 1977 til 1989 staðfestir þetta og segir að hún og aðrir starfsmenn hafi séð um að útvega lyfseðilsskyld lyf. „Við kölluðum methaqualone „leggjaopnara“. Það var ætlunin með því. Þetta var illnauðsynlegt til að geta djammað,“ segir hún.
