Helen Mirren er án efa ein frægasta leikkona heims en þrátt fyrir það er hún óþekkjanleg í myndum af kvikmyndasettinu fyrir nýjustu myndina sem hún leikur í, Golda. 

Í myndinni leikur Helen hina ísraelsku Golda Meir en Golda var forsætisráðherra Ísraels á árunum 1969 til 1974. Ljóst er að förðunarfólkið vann yfirvinnu við að koma Helen í hlutverk forsætisráðherrans því hún líkist sjálfri sér afar lítið í myndunum frá setttinu.

Myndin er byggð á þeim tíma sem Golda var í pólitík í Ísrael og fjallar um þær áskorarnir sem hún þurfti að takast á við sem kona á þeim tíma. Talið er að myndin muni gera vel á Óskarsverðlaunahátíðinni á næsta ári enda er Helen í aðalhlutverki og leikstjóri myndarinnar er óskarsverðlaunahafinn Guy Nattiv.

„Golda Meir var ógnvekjandi, óbilgjörn og öflugur leiðtogi. Það er frábær áskorun að leika hana á erfiðasta tímanum í hennar ótrúlega lífi. Ég vona bara að ég geri það nógu vel!“ segir Helen um hlutverkið.