Málið snýst um tilraunir Google til að takmarka samkeppni hvað varðar stýrikerfi fyrir farsíma. Samkeppnisyfirvöld rannsökuðu ásakanir um að Google hefði komið í veg fyrir að innlendir framleiðendur farsíma gætu nýtt sér önnur stýrikerfi en Android stýrikerfi Google.
Google hefur ekki enn tjáð sig um niðurstöðu samkeppnisyfirvalda en sektin er enn eitt höggið fyrir Google í Suður-Kóreu. í byrjun mánaðarins samþykkti þingið lög sem banna fyrirtækjum á borð við Google og Apple að neyða þá sem þróa öpp til að nota greiðslulausnir fyrirtækjanna í öppunum.
Þetta er ekki í fyrsta sinn sem Google eða móðurfyrirtækið þess, Alphabet, er sektað af samkeppnisyfirvöldum. Í júlí sektuðu frönsk samkeppnisyfirvöld fyrirtækið um sem svarar til rúmlega 70 milljarða íslenskra króna. Á síðsta ári sektaði Framkvæmdastjórn ESB Google um nokkra milljarða evra fyrir ólöglegar samkeppnishindranir árum saman.
Sektirnar ættu þó ekki að setja Google eða Alphabet í gjaldþrot því á síðasta ári var hagnaður Alphabet rúmlega 40 milljarðar dollara.
