Jóhanna Helga er nýjasti gestur Eddu Falak og Fjólu Sigurðardóttur í hlaðvarpsþættinum Eigin Konur. Jóhanna Helga átti erfiða æsku sem var lituð af áföllum. Hún var misnotuð mjög ung, aðeins fjögurra ára gömul. Hún byrjaði í neyslu átján ára gömul. Hún byrjaði í harðari neyslu og var farin að sprauta sig með fíkniefnum. Hún bjó um tíma á götunni og fór nokkrum sinnum í meðferð áður en hún náði að snúa við blaðinu.
Jóhanna Helga fór í meðferð í Svíþjóð. Hún var send úrr meðferðinni í annan bæ og varð þar fyrir hrottalegri nauðgun.
„Það er svona hús í öðrum bæ sem maður er sendur í til að „cool off“. Ég var eins og hvirfilbylur. Var að fokka í fólki og var bara dólgur. Var ekki að virða tilfinningar annarra. Ég var send þangað og þar var ég bara að drekka. Þar lendi ég í þessari nauðgun. Þetta var ógeðslegt, þetta var hrottalegt,“ segir hún.
Jóhanna Helga var þá 22 ára. Hún og önnur stelpa úr meðferðinni fóru á einhvern veitingastað þarna sem var búið að loka.
„Hún fer með einhverjum öðrum karli, hann kaupir handa henni að borða og þegar þau eru farin þá segir [veitingahúseigandinn] bara „ef þú ríður mér ekki þá stúta ég þér.“ […] Ég bara fraus. Mér er nauðgað þarna baka til í einhverju eldhúsi á þessum veitingastað,“ segir hún og bætir við að hún hefði verið svo frosin eftir þetta að þegar maðurinn hefði rétt henni peninga eftir nauðgunina hefði hún tekið við þeim.
Horfðu á þáttinn hér að neðan.