Fjölmiðlamennirnir Steindi Jr., Auðunn Blöndal og Egill „Gillz“ Einarsson eru mennirnir á bak við útvarpsþáttinn FM95BLÖ sem hefur notið mikilla vinsælda. Tríóið byrjaði einnig með hlaðvarpið Blökastið fyrr í sumar.
Hver þeirra er einnig að vinna í öðrum verkefnum. Egill er til að mynda einkaþjálfari, Steindi leikari og Auddi var kynnir í Allir geta dansað á Stöð 2.
Tekjublað DV kom út á miðvikudaginn síðastliðinn og í því má finna upplýsingar um tekjur yfir 2500 Íslendinga.
Steindi Jr. var tekjuhæstur félaganna með rúmlega 1,2 milljón krónur á mánuði miðað við greitt útsvar árið 2020. Auddi kemur fast á hæla Steinda með rúmlega 1,1 milljón krónur á mánuði. Egill var með tæplega hálfa milljón í laun á mánuði í fyrra.
1.241.456 kr. á mánuði
1.135.820 kr. á mánuði
476.901 kr. á mánuði.
